خۆپیشاندانەکەی كه‌لار تووندوتیژی تێکەوت

0
984

SNN- سیروان حه‌سه‌ن

دواى ئه‌وه‌ى ئێواره‌ى ئه‌مڕۆ به‌شێك له‌ دانیشتووانى شارى كه‌لار له‌ ناوه‌ڕاستى بازاڕى شاره‌كه‌ خۆپیشاندانیان ئه‌نجامدا، دواتر چوونه‌ سه‌ر بیناى قایمقامیه‌تى شاره‌كه‌و ئاگریان له‌ به‌شێكى بیناكه‌ به‌رداوه‌ و ئۆتۆمبیلێكیشیان سووتاند، هاوكات خۆپیشانده‌ران هه‌ر له‌ نزیك قایمقامیه‌ت ئاگریان له‌به‌رده‌م باره‌گاى حزبى شیوعى كردووه‌ته‌وه‌.

ئێواره‌ى ئه‌مڕۆ به‌ به‌شدارى ژماره‌یه‌كی به‌رچاو له‌ هاووڵاتییانى شارى كه‌لار خۆپیشاندانیان له‌ نێو بازاڕى شاره‌كه‌ ئه‌نجامدرا و خۆپیشانده‌ران له‌ ناوه‌ڕاستى بازاڕه‌كه‌ گردبوونه‌وه‌ و له‌گه‌ڵ وتنه‌وه‌ى چه‌ندین دروشم دواتر ئاراسته‌ى خۆپیشاندانه‌كه‌یان به‌ره‌و به‌رده‌م فه‌رمانگه‌ حكومییه‌كان گۆڕى.

كه‌مێك له‌مه‌وبه‌ریش هه‌ڵیانكوتایه‌ سه‌ر بیناى قایمقامیه‌تى كه‌لار و ده‌رگاى فه‌رمانگه‌كه‌یان شكاندووه‌ و ئاگریان له‌ پرسگه‌ و ده‌رگاى پشته‌وه‌ به‌رداوه‌ و ئۆتۆمبێلێكى جۆرى (کیا سۆرنیتۆش) كه‌ هى یه‌كێك له‌ پۆلیسه‌كانى قایمقامیه‌ته‌ سوتێندراوه‌.

هاوكات خۆپیشانده‌ران هه‌ر له‌ نزیك قایمقامیه‌ت ئاگریان له‌به‌رده‌م باره‌گاى حزبى شیوعى له‌ كه‌لار كردووه‌ته‌وه‌ و تاوه‌كو ئێستاش به‌شێك له‌خۆپیشانده‌ره‌كان له‌به‌رده‌م قایمقامیه‌ت ماونه‌ته‌وه‌ و له‌ لایه‌ن هێزه‌ ئه‌منیه‌كانیشه‌وه‌ ته‌قه‌ به‌ ئاسماندا ده‌كرێت بۆ ئه‌وه‌ى بڵاوه‌یان پێبكرێت.

بەشی بکە لە
Previous Next
Close
Test Caption
Test Description goes like this