بەهۆی جێگیری دۆخی کۆرۆنا لە گەرمیان پزیشکەکان کەمتر داوای پلازما دەکەن

0
103

SNN-سیروان حه‌سه‌ن

له‌ سنوورى گه‌رمیان تاوه‌كو ئێستا 75 هاووڵاتى پلازماى به‌خشیوه‌ و بۆ زیاتر له‌ 200 كه‌س ئه‌و پلازمایه‌ به‌كارهێنراوه‌ به‌ وته‌ى به‌ڕێوەبه‌رى بانكى خوێن له‌ ئێستادا پزیشكه‌كان پلازما كه‌متر بۆ تووشبووان داواده‌كه‌ن، بەهۆی ئەوەی دۆخی ناوچەکە تا رادەیەک بەرەو جێگیری دەڕوات.

جه‌لیل ئه‌حمه‌د به‌ڕێوه‌به‌رى بانكى خوێنى كه‌لار به‌ SNNى راگه‌یاند: “له‌گه‌ڵ وه‌رگرتنى ئامێرى پلازما تاوه‌کو ئێستا له‌ سنوورى گه‌رمیان پلازمایان له‌ نزیكه‌ى 75 كه‌س وه‌رگرتووه‌، له‌به‌ر ئه‌وه‌ى هه‌ر كه‌سێك تواناى به‌خشینى پلازماى بۆ سێ كه‌س هه‌یه‌ توانراوه‌ پلازما بدرێته‌ زیاتر له‌ 200 تووشبوو”.

وتیشى، “له‌ئێستادا له‌ لایه‌ن پزیشكه‌كانه‌وه‌ كه‌متر به‌كارهێنانى پلازما بۆ تووشبووان داواده‌كرێت و به‌مهۆیه‌شه‌وه‌ فشار له‌سه‌ر وه‌رگرتنى پلازما نه‌ماوه‌ وه‌كو پێشووتر كه‌ ئامێره‌كه‌یان له‌به‌ر ئه‌وه‌ى كاتى ده‌ویست بۆ تێكردنه‌وه‌ى خوێن له‌و كه‌سانه‌ى پلازمایان ده‌به‌خشى نیگه‌رانى هاووڵاتییانى لێكه‌وتبووەوە”‌.

بەشی بکە لە
Previous Next
Close
Test Caption
Test Description goes like this