مامۆستایانى قوتابخانه‌ى سابیس له‌ سلێمانى گردبوونه‌وه‌ و داواى مووچه‌كانیان ده‌كه‌ن

0
693
گردبوونه‌وه‌ى مامۆستایانى قوتابخانه‌ى سابیس | فۆتۆ: SNN

SNN – هه‌وراز ئه‌حمه‌د

مامۆستایان و فه‌رمانبه‌رانى قوتابخانه‌ى سابیس له ‌به‌رده‌م به‌ڕێوه‌به‌رایه‌تى گشتى په‌روه‌رده‌ى سلێمانى گردبوونه‌وه‌یه‌كى ناڕه‌زایه‌تییان ئه‌نجامدا و داوایانكرد مووچه‌كانییان له‌كاتى خۆیدا بۆ خه‌رجبكرێت.

دابان به‌همه‌ن، نوێنه‌رى مامۆستایانى قوتابخانه‌ى سابیس له‌ به‌رده‌م میدیاكان رایگه‌یاند: ” لەگەڵ قورسی ئەرکی سەرشانمان و کارکردنمان بۆ ماوەی هەشت کاتژمێر لە رۆژێکدا و هەرچەندە مامۆستایانی قوتابخانە حکومییەکان بەهۆی لێکەوتەکانی ڤایرۆسی کۆرۆناوە لە پشوودابوون، بەڵام‌ ئێمە بەپێی پێوستی قوتابخانە و رۆژانە بە ئۆنلاین لە کاردابووین و سەرپەرشتی پرۆسەی پەروەردەیمان لە قوتابخانەکەمان دەکرد، هانی فێرخوازەکانماندەدا لە پرۆسەی خوێندن بەردەوامبن، بەڵام بەداخەوە لەباتی سوپاس و پێزانین مافە سەرەتاییەکانیشمان کە خۆی لە مووچەدا دەبینێتەوە پێڕەوانابیینن و هێشتا لە چاوەڕوانی وەرگرتنی موچەکانمانداین”.

وتیشى: “سەردانی بەڕێوەبەری گشتى پەروەردە و پارێزگاری سلێمانیمان کردووە و وەزارەتى په‌روه‌رده‌مان ئاگادارکردووەتەوە، بەڵام هێشتا مووچەی کاری زیادەمان بۆ خەرج نەکراوە کە هەموو قوتابخانە هاوبەشەکانی دیکەی سابیس بۆیان خەرجکراوە، هەروەها مووچەی مانگی ئازار حکومیمان هێشتا بۆ نەبەستراوە بەهۆی کێشە و لێکتێنەگەشتنی نێوان پەروەردەی گشتی سلێمانی و وەزارەتەوە سەبارەت بە بڕیاری گواستنەوەی راژەی قوتابخانەکەمان”.

هاوكات ئه‌و مامۆستایانه‌ داواکاربوون، بە زووترین کات راژەی قوتابخانەکەیان یەکلای بکرێتەوە کە سەربە وەزارەتن یان پەروەرەی گشتی و کاری خێراو یەکلاکەرەوە ئەنجام بدرێت، چارەنووسی مووچەی کاری زیادەی مانگەکانی كانونى دووه‌م بۆ ئاب، یان بۆمان یەکلایی بکرێتەوە و بەزووی مووچە فەوتاوەکانمان بۆ خەرج بکرێت بەپێی ئەو گرێبەستەی پێشتر لەگەڵ بەڕێوەبەرایەتی گشتی پەروەردەی سلێمانی واژوومان کردووە.

بەشی بکە لە
Previous Next
Close
Test Caption
Test Description goes like this