پارێزگاری هەڵەبجە: ئەم شێوازە خۆپیشاندانە دوورە لەهەموو عورفێکی مەدەنی و هەڵەبجەییانە

0
220

SNN-عەلی حەمە سەعید

لەدیوانی پارێزگایی هەڵەبجە  ئازاد تۆفیق پارێزگاری هەڵەبجە، بە ئامادەبوونی جێگری پارێزگار و قائیمقامی هەڵەبجە وبەرپرسانی ئەمنی پەیوەندیدار بە ئاڵۆزیەکانی شەوی ڕابردوو کۆبوونەوە.

لە کۆبووبونەکەدا هەڵکوتانە سەر بارەگا حکومی و حیزبییەکان، بە دەستێکی تێکدەر و دوور لەئامانجی خۆپشاندان وەسفکرا و ئیدانەکرا.

پارێزگاری هەڵەبجە ڕایگەیاند “ئەم شێوازە خۆپیشاندانە دوورە لەهەموو عورفێکی مەدەنی و هەڵەبجەییانە و هەموو ئیجرائاتێکی یاسایی دەگرینەبەر و دەستبردن بۆ مەلەفاتی حکومەت و دامودەزگاکان ناچێتە چوارچێوەی خۆپیشاندانەوە و داواکاری خەڵکیش نییە.

پارێزگاری هەڵەبجە داواشیکرد خۆپیشاندانەکان مەدەنی بکرێن و دوور بخرێنەوە لە ئامانجی تایبەت و تێکدەرانە، هەروەک چۆن بە مافی ڕەوای هاووڵاتییان زانرا کە پێویستە حکومەت شایستە داراییەکانیان بۆ دابینبکات.

بەهۆی ئەو هێرشەی شەوی رابردوو كرایە سەر بینای سەرۆكایەتی شارەوانی هەڵەبجە، زیانێكی زۆر بە بیناكە گەیشت، بەهۆی ئاگرتێبەردانییەوە بەشێكی زۆری دۆسییە و مامەڵەی هاووڵاتييانی سنوورەكە سووتاون، هاوکات بینای هاتووچۆی هەڵەبجەش سووتاوە و چەند فەرمانگەیەکی دیکە زیانیان بەرکەوت.

 

بەشی بکە لە
Previous Next
Close
Test Caption
Test Description goes like this