هاوپەیمانی نێودەوڵەتی دژی داعش: بە بڕی 347 ملیۆن دۆلار کەرەستەمان رادەستی عێراقییەکەن کردووە

0
335

SNN

هاوپەیمانی نێودەوڵەتی دژی داعش رایدەگەیەنێت “ئەمڕۆ یەکشەممە بایی 347 ملیۆن دۆلار کەرەستە و یەدەگی سەربازییان رادەستی سوپای عێراق کردۆتەوە لە سەربازگەی تاجی”.

هاوپەیمانێتییە نێودەوڵەتییەکە ئاشکراشیکردووە “لەڕێگەی 300 راهێنەرەوە توانیویانە مەشقی سەربازیی بە 47 هەزار سەربازی عێراقی بکەن”.

لە بەیاننامەیەکدا دوای رادەستکردنی سەربازگەی تاجی، هاوپەیمانی نێودەوڵەتی دژی داعش ئاماژەی بەوەشکردووە “لە ئێستادا راهێنەرە عێراقییەکان ئەرکی مەشقپێکردنی سوپایان گرتۆتە دەست”.

لیوا تەحسین خەفاجی وتەبێژی فەرماندەیی ئۆپراسیۆنە هاوبەشەکانی عێراق رایگەیاند “هێزەکانی هاوپەیمانیی نێودەوڵەتی ئەمڕۆ بنکەی سەربازیی تاجی لە باکووری بەغدا چۆڵدەکەن”.وتەبێژی فەرماندەییەکە دەشڵێت: “پرۆسەی جێهێشتنی سەربازگەکە بەشێوەیەک دەبێت کە فەرماندەی سەربازی لە هەردوولا ئامادەی دەبن”.
رۆژی 16ی تەمموزی رابردوو بەپێی بەیاننامەیەكی وەزارەتی بەرگری بەریتانیا، هێزەکانی ئەو وڵاتەش لە ژێر ناوی سوپای بەریتانیا سەربازگەی تاجی جێهێشت.
لە ساڵانی رابردوودا زیاتر لە 120 هەزار کەس لە هێزە ئەمنییەكان لەژێر دەستی سوپای بەریتانیا مەشقیان پێكراوە، هێزەكانی هاوپەیمانان كە ئەمریكا سەرۆكایەتی دەكات دەستی كردووە به‌ كەمكردنەوەی سوپاکەی لە عێراق و یەكەم بنكەی سەربازی رادەستی حكومەتی عێراق كرد پێشتر .
دوای ئەوەی حكومەتی عێراق له‌ مانگی ئازاری رابردوو، سكاڵای دژ بە پێشێلكارییەكانی ئەمریكا كردبوو، پرسی کشانەوەی هێزە بیانییەکان لە رۆژەڤی ئێستای عێراقدا بۆتە باسی سەرەکی.

بەشی بکە لە
Previous Next
Close
Test Caption
Test Description goes like this