سێ بكوژ لە هەولێر دەستگیر كران

0
174
دەستگیرکردندەستگیرکردن

SNNـ مەودا مستەفا

پۆلیسی هەولێر دەستگیرکردنی سێ تاونباری ڕاگەیاند کە بەپێی ماددەی 406 داواکاربوون و دوای کەمتر لە دووکاژمێر ئەنجامدەرانی تاوانەکە دەستگیرکران.

هۆگر عەزیز وتەبێژی پۆلیسی هەولێر بە SNNی ڕاگەیاند: دوای ئاگاداركردنەوەی بەشی پۆلیسی عەنكاوە بە بوونی رووداوێكی كوشتن لە گوندی (سورخان)، تیمێكی لێكۆڵینەوە لە بنكەی پۆلیسی توڕەق پێكهێندرا و گەیشتنە شوێنی ڕووداو، دوای گەیشتنیان بۆ شوێنی ڕووداوەكە، دەركەوت كەوا هاووڵاتییەك بە ناوی (عەزیز حەسن عوسمان) لەلایەن (3) تۆمەتبارەوە بە ئۆتۆمبێل خۆیان پێداکێشاوە و تەقەیان لێکردووە و لە ئاكامدا گیانی لە دەستداوە، پۆلیس توانی تۆمەتباران بە ناوەكانی (س.م.ع.) و (س.س.م.) و (م.س.م.) دەستگیر بكەن، هەرسێ تۆمەتبارەكە دوای دەستگیركردنیان دانیان نا بە تاوانەكەیاندا كەوا لەسەر كێشەی زەوی بووەتە دەمەقاڵەیان و لە ئاكامدا تەقە لە نێوانیاندا ڕووی داوە و بەو هۆیەوە گوللـەیەك بەر ناوبراوی سەرەوە كەوتووە و لە شوێنی ڕووداو گیانی لە دەستداوە، هەروەها تۆمەتبار (س.س.م)ـیش بریندار دەبێت.

وتیشی” پەڕاوی لێكۆڵینەوەیان بۆ ڕێكخراو دادوەر بڕیاری دا بە بەندكردنی هەرسێ تۆمەتبارەكە بەپێی ماددە (406) لە یاسای سزادان”.

بەشی بکە لە
Previous Next
Close
Test Caption
Test Description goes like this