کومان داهاتووی ئەلبای یەکلایی کردەوە

0
1388
جۆردێ ئەلبا

SNN Sport

رۆناڵد کومان راهێنەری یانەی بەرشەلۆنەی ئیسپانی،بەردەوامە لە نوێکردنەوەی یانەکەی و لە ئێستادا چەند یاریزانێکی ئاگادارکردووەتەوە کە لە وەرزی داهاتوو پشتیان پێنابەستێت و یاریزانەکانیش بریتین لە ئۆمتیتی، ڤیدال، سوارێز و راکیتچ.

رادیۆی کادێنا کۆپی ئیسپانی بڵاویکردووەتەوە، کومان بڕیاری مانەوەی ئەلبای داوە، کە پێشتر گومانی چوونی لێدەکرا،ئەمەش پاش ئەوەی لە لایەن راهێنەرەکەیەوە هەواڵی مانەوەی پێدراوە و لە رۆژی دووشەممەی داهاتوو لەگەڵ شاندی یانەکەی راهێنان دەکاتەوە.

هەروەها کومان بڕیاری مانەوەی بۆسکێتس و سێرجی رۆبێرتۆی داوە، دەنگۆی ئەوەش هەیە پیکێ بمێنێتەوە، بەڵام تا ئێستا داهاتووی چەند یاریزانێک روون نیە و بڕیاری مانەوەیان نەدراوە.

یانەی بەرشەلۆنە کومانی ئازاد کردووە بۆ هەر بڕیارێک کە بیدات و دەسەڵاتی تەواوی پێداوە بۆ رێکخستنەوەی یانەکە دوای ئەوەی ئەم وەرزە نەیتوانی هیچ نازناوێک بباتەوەو کیکی سیتینی راهێنەری دورخستەوە.

بەشی بکە لە
Previous Next
Close
Test Caption
Test Description goes like this