ئەمڕۆ کۆبوونەوەی لوتکەی عێراق و میسڕ و ئوردن بەڕێوەدەچێت

0
314

SNN

مستەفا کازمی ئەمڕۆ سێشەممە گەیشتە عەمانی پایتەختی ئوردن بە مەبەستی بەشداریکردنی لە کۆبوونەوەی لوتکەی سێقۆڵی لەگەڵ شای ئوردن، عەبدوڵای دووەم و سەرۆکی میسڕ عەبدولفەتاح سیسی.

نوسینگەی راگەیاندنی سەرۆکوەزیرانی عێراق ئەمڕۆ لە راگەیەندراوێکیدا بڵاویکردەوە: لە کۆڕبەندەکەدا سەرنج دەخرێتە سەر هەماهەنگی ئابووری نێوان ئەو سێ وڵاتە و پرسی بازرگانیکردن و وەبەرهێنان تاوتوێدەکرێن.

ئاماژەش بەوەکراوە: لەو کۆبوونەوە لوتکەیەدا چەند بابەتێکی هەرێمی دەخرێنە بەرباس و گفتوگۆ لەبارەی هەوڵەکان بۆ پاراستنی ئاسایش و سەقامگیری لە ناوچەکە دەکرێت.

ئەمە لەکاتێکدایە وەزیری گواستنەوە و وەزیری نەوت و چەند بەرپرسێکی دیکەی وڵاتەکە بۆ بەشداریکردن لە چەند کۆبوونەوەیەکدا سەردانی ئوردنیان کردووە، بە گوێرەی ئەحمەد شەمەری ئەندامی ئەنجومەنی نوێنەرانی عێراق، وەزیری گواستنەوە دوای گەیشتنی بە عەمان تووشی کۆرۆنا بووە و لە ئێستادا ژمارەیەک لە ئەندامانی شاندەکەی عێراق کەرەنتین کرابوون.

بەشی بکە لە
Previous Next
Close
Test Caption
Test Description goes like this