ئەمریکا کەلوپەل و پێداویستی تەندروستی رادەستی هەرێمی کوردستان کرد

0
110

 SNN- مەودا مستەفا

لە رێوڕەسمێکدا، بە ئامادەبوونی نوێنەری رێکخراوی تەندروستی جیهانی و نەتەوە یەکگرتووەکان، کۆنسوڵی گشتی ئەمریکا لە هەولێر رۆب ۆڵەر، هەندێک کەلوپەل و پێداویستی تەندروستی رادەستی وەزارەتی تەندروستی کرد.

لە رێورەسمەکەدا، وەزیری تەندروستی حکومەتی هەرێمی کوردستان، وتی: “پێشتر چەند جارێک لەگەڵ رێکخراوەکانی نەتەوە یەکگرتووەکان و کۆنسوڵخانەکان کۆبووینەوە و چەند رۆژێک پێش ئێستاش لەگەڵ کۆنسوڵی ئەمریکا کۆبووینەوە و داوای پاڵپشتی و هاوکاری زیاترمان کرد بۆ تێپەڕاندنی ئەو دۆخەی ئێستای هەرێمی کوردستان، چونکە ئێستاش هەرێمی کوردستان لە قۆناغی بەرزبوونەوەی رێژەی مردندایە بەهۆی کۆرۆناوە”.

سامان بەرزنجی وتیشی: “باسمان لە دۆخی ئاوارە و پەنابەران لە هەرێمی کوردستان کرد کە بە رێژەیەکی زۆر لە هەرێمی کوردستان نیشتەجێن و بارێکی قورسە بۆ ئێمە، داوامان کرد کە کار بکرێت بۆ هاندانی پەنابەران بۆ گەڕانەوەیان بۆ زێدی خۆیان و لەگەڵ ئەوەشدا لێرە باشترین خزمەتگوازی بخرێتە بەردەم ئاوارە و پەنابەران لە هەرێمی کوردستان”.

سامان بەرزنجی وتیشی: “یوئێن بڕیاریداوە هەر کەسێک لە ستافەکەیان تووشی نەخۆشی کۆرۆنا بێت، ئەوا بگوازرێتەوە بۆ هەولێر و نەخۆشخانەیەک تەرخاندەکرێت کە لە رێورەسمێکدا یاداشتێکی لێکتێگەیشتن واژوو دەکرێت بۆ ئەم بابەتە”.

لەبارەی کەلوپەل و پێداویستییە تەندروستییەکانیش، وەزیری تەندروستی حکومەتی هەرێمی کوردستان وتی: “ئەمڕۆ ژمارەیەک لە ئەمبوڵانس و پێداویستی پزیشكی و هەندێک لە ئامێرەکانی دروستکردنی ئۆکسجین و پێداویستی تاقیگە لەلایەن کۆنسوڵی گشتی ئەمریکا رادەستی وەزارەتی تەندروستی کرا کە بەهایان بە ٨٠٠ هەزار دۆلار مەزەندە دەکرێت”.

لە رێورەسمەکەدا، کۆنسوڵی گشتی ئەمریکا لە هەولێر رۆب ۆڵەر، لەمیانی پێشكەشکردنی کەلوپەل و پێداویستییە تەندروستییەکان کە لە نێویاندا شەش ئەمبوڵانس هەبوو، وتی: “ئەم ئەمبوڵانسانە یارمەتی پەنابەران دەدات لە هەریەک لە پارێزگاکانی هەولێر، دهۆک و سلێمانی”.

رۆب ۆڵەر وتیشی: “لەکاتی دژواری و ناخۆشیدا هاوڕێکان لەیەکتر کۆدەبنەوە و بەدەم یەکترەوە دەچن، خەڵکی هەرێمی کوردستانیش ئەوە دەزانن، لەوەتەی دەستپێکردنی قەیرانی سووریاوە خەڵکی بەخشندەی هەرێم لە سەدا 99 ی ئەو پەنابەرە سوورییانەیان لەباوەشگرت روویان لە عێراق کردبوو کە دەکاتە نزیکەی چارەگە ملیۆنێک کەس”.

بەشی بکە لە
Previous Next
Close
Test Caption
Test Description goes like this