پشکنینی کۆرۆنا بۆ هاووڵاتییان لە ئیدارەی ڕاپەڕین وەستاوە

0
134

SNN- محەمەد مستەفا

ماوەی شەش رۆژە بەهۆی نەمانی کیتی پشکنینی ڤایرۆسی کۆرۆناوە، هیچ پشکنینێک بۆ هاووڵاتییانی سنووری ئیدارەی ڕاپەڕین ئەنجام نەدراوە.

تەها محەمەد بەرپرسی راگەیاندنی تەندروستی ڕاپەڕین بە SNN ی راگەیاند: لە رۆژی پێنجشەممەی رابردووەوە کیتی پشکنینی ڤایرۆسی کۆرۆنا لە سەنتەرەکانی کۆرۆنا لە سنووری ئیدارەی ڕاپەڕین نەماوە، بەوهۆیەشەوە لەو ماوەیەدا پشکنینی ڤایرۆسەکە بۆ هاووڵاتییانی ڕاپەڕین ئەنجام نەدراوە .

وتیشی: “بەگوێرەی بڕیارێکی ئەنجومەنی وەزیران لەمەودوا پشکنینی کۆرۆنا بێبەرامبەر تەنها بۆ ئەو نەخۆشانە دەکرێت کە لە سەنتەرەکانی کۆرۆنا داخڵدەکرێن، بەڵام ئەو هاووڵاتییانەی بە خواستی خۆیان دەیانەوێت پشکنینیان بۆ بکرێت، دەبێت بڕی 60 هەزار دینار بدەن بۆ پشکنینەکە .”

باسی لەوەشکرد: لە ئێستادا لیژنەیەکی تایبەت لە تەندروستی ڕاپەڕین لە هەوڵدایە بۆ ئەوەی کیتی پشکنینی ڤایرۆسی کۆرۆنا بۆ سەنتەرەکانی کۆرۆنا لەو دەڤەرە دابینبکرێت .

بەشی بکە لە
Previous Next
Close
Test Caption
Test Description goes like this