زیاتر له‌ چوار هه‌زار فه‌رمانبه‌ر داوا ده‌كه‌ن بكرێنه‌ هه‌میشه‌یى‎

0
281

SNN- هەوراز ئەحمەد

ئەمڕۆ چوارشەممە بەشێک لە مامۆستایان و فەرمانبەرانی گرێبەست لە بەردەم نوسینگەی سلێمانی پەرلەمانی کوردستان کە ژمارەیان زیاترە لە 4 هەزار فەرمانبەر، گردبوونەوە و داوایانکرد بکرێنە هەمیشەیی.
بەشێک لەو فەرمانبەرانەی گردبوونەوە، یاداشتێکیان پیشکەش بە نوسینگەی سلێمانی پەرلەمانی کوردستان کرد.

نوێنەری فەرمانبەرانی گرێبەست کە تائێستا دا نەمەزراون، رایگەیاند “وەک مافێکی خۆیان داوا دەکەن پەرلەمانی کوردستان ئەو یاسایەی خۆی جێبەجێبکات کە دەڵێت فەرمانبەری گرێبەست دوای سێ ساڵ پێویستە دابمەزرێن و بکرێنە هەمیشەیی”.

فەرمانبەران داواکارییەکانیان پێشکەشی ھەردوو پەرلەمانتار ئەبوبەکر ھەڵەدنی و کازم فاروق و عوسمان سێدەری کرد تا بیگەیەننە لایەنی پەیوەندیدار.

لە هەرێمی کوردستان ژمارەیەکی زۆر لە مامۆستایان و فەرمانبەران لە جومگە جیاجیاکاندا بە گرێبەست کار دەکەن کە ژمارەیان زیاتر لە 29 ھەزار کەس دەبێت و چاوەڕێی حکومەتی هەرێم دەکەن ئاوڕیان لێبداتەوە.

بەشی بکە لە
Previous Next
Close
Test Caption
Test Description goes like this