“بەرتەسککردنەوەی ئازادییەکان، کاریگەری لەسەر هەژموونی کوردستان دروستدەکات”

0
158

SNNـ مەودا مستەفا

چاودێرێکی سیاسی لەشاری هەولێر رایدەگەێنێت: بەرتەسککردنەوەی ئازادیەکان دەچێتە چوارچێوەی لەکەدارکردنی ئەزموونی سیاسی هەرێمی کوردستانە کە ئۆباڵەکەی دەکەوێتە ئەستۆی لایەنە دەسەڵاتدارەکانی هەرێمی کوردستان.

هیوا سەید سەلیم چاودێری سیاسی لەشاری هەولێر بە SNNی راگەیاند: ئازادی کاری سیاسی لە یەکێکە مافە سەرەتاکانی تاک لە کۆمەڵگا، هەروەها لە جاری گەردوونی مافی مرۆڤ هاتووە کە مرۆڤەکان ئازادن لە بیرکردنەوە و کاری سیاسی، ئەم پرسەش لە دەستووری هەرووڵاتێک جێگای بۆ کراوەتەوە، هەرێمی کوردستان لەو کیانانەیە کە زۆر ئیدعای ئازادی و دیموکراسی دەکات.

وتیشی “بەڵام هەر رێگرییەک لە کاری سیاسی و ئاینی رووبەڕووبوونەوەی چالاکییە سیاسی و مەدەنییەکان بە شیوازی سەربازیانە دەچێتە چوار چێوەی بەرتەسککردنەوەی ئازادییە سیاسییەکان بە داخەوە ئەمەیان لەو ماوەیە زۆر بە زەقی لە هەرێمی کوردستان هەستی پێدەکرێت لە سنووردارکردنی چالاکییە مەدەنییەکان و گرتن و راوەدوونانی چالاکوانان و میدیاکاران و داخستتنی کەناڵە میدییایەکان دەچنە چوارچێوەی بەرتەسککردنەوەی ئازادییەکان ئەمەشیان لەکەدارکردنی ئەزموونی سیاسی هەرێمی کوردستانە کە ئۆباڵەکەی دەکەوێتە ئەستۆی لایەنە دەسەڵاتدارەکان”.

بەشی بکە لە
Previous Next
Close
Test Caption
Test Description goes like this