بافڵ تاڵەبانی تووشی ڤایرۆسی کۆرۆنا بوو

0
96
بافڵ تاڵه‌بانى، هاوسه‌رۆكى یه‌كێتیی نیشتمانیى كوردستان | فۆتۆ: SNN

SNN

لە پەیامێکیدا بافڵ تاڵەبانی هاوسەرۆکی یەکێتیی نیشتمانیی کوردستان ئەمڕۆ پێنجشەممە دەڵێت: “تووشی ڤایرۆسی کۆرۆنا بووم”.

لە پەیامەکەدا هاوسەرۆکی یەکێتیی نیشتمانیی کوردستان ئاماژەی بەوەشکردووە “وەک ھەر کەسێکی تر، خۆم کەرەنتینە کردووە و رێنماییە تەندروستییەکان جێبەجێدەکەم”.

داواشدەکات “ھەمووان پابەندی رێنماییەکان بن تا پێکەوە رێگر بین لەبڵاوبوونەوەی ئەم پەتا جیھانییە”

دەقی پەیامەکە:

کۆمەڵانی خەڵکی کوردستان

سەرەتا ھیوای سەلامەتی و تەندروستییەکی باش بۆ ھەموولایەکتان دەخوازم.

دەمەوێت پێتان رابگەیەنم، کە بەندەش توشی ڤایرۆسی کۆرۆنا بووم و لە ئێستادا باری تەندروستیم جێگیرە.

وەک ھەر کەسێکی تر، خۆم کەرەنتینەکردووە و رێنماییە تەندروستییەکان جێبەجێدەکەم.

داواکارم لەھەمووانیش پابەندی رێنماییەکان بن و پێکەوە رێگربین لەبڵاوبوونەوەی ئەم پەتا جیھانییە و بەسەر ئەم دۆخەدا زاڵبین و دەست لەناودەستبین بۆ چارەسەرکردنی کێشەکان و ئاوەدانکردنەوەی زیاتری ھەرێمەکەمان و خزمەتکردنی زیاتری کوردستانیان.

دووبارە سەلامەتی و تەندروستی باش بۆ ھەموولایەک دەخوازم و ھیوادارم پارێزراوبن و دووربن لەھەموو نەخۆشی و پەتایەک.

بافڵ تاڵەبانی

هاوسەرۆکی یەکێتیی نیشتمانیی کوردستان

بەشی بکە لە
Previous Next
Close
Test Caption
Test Description goes like this