“کۆرۆنا یەک ملیار کەسی تووشی نەخۆشی دەروونی کردووە”

0
196

SNN

سەرۆکی رێکخراوی تەندروستیی جیهانی رایگەیاند: ڤایرۆسی کۆرۆنا کاریگەری نەرێنی لەسەر باری دەروونی زۆرێک لە جیهان جێهێشتووە و یەک ملیار کەس بەوهۆیەوە تووشی نەخۆشی دەروونی بوون.

تیدرۆس ئەدهانۆم لە کۆنفرانسێکی رۆژنامەوانیدا لە سویسرا، رایگەیاند: “پەتای کۆرۆنا نیگەرانی و ترسێكی زۆری دروستکردووە و دەروونی ملیۆنان کەسی تێکداوە، هۆکارەکەشی بۆ نەبوونی بەرچاوڕوونی لەبارەی داهاتوو دەگەڕێتەوە”.

ئەدهانۆم راشیگەیاند: “رێکارە تەندروستییە تەقلیدییەکان کە لەلایەن ژمارەیەکی زۆر لە وڵاتانی جیهانەوە گیرانەبەر، نەبوونی متمانە و پێکەوەکارکردنی حکومەتەکان لەگەڵ هاووڵاتییانیان لە زاڵبوون بەسەر پەتاکەدا، هاووڵاتییانی زۆرێک لە وڵاتانی نیگەران کردووە”.

ڤایرۆسی کۆرۆنا لە کۆتاییەکانی ساڵی 2019 لە شاری ووهانی چین پەیدابوو، تائێستا ڤایرۆسەکە لە 215 وڵات و ناوچەی جیهان بڵاوبووەتەوە، زیاتر لە 24 ملیۆن کەس تووشی ڤایرۆسەکە بوون و زیاتر لە 836 هەزار کەس بە ڤایرۆسەکە مردوون.

کۆرۆنا کاریگەری نەرێنی لەسەر ژیان و گوزەرانی کاسبکاران و بازرگانان بەجێهێشت و ئابووری بەشێک لە وڵاتانی تووشی پاشەکشەکرد، دابەزینی نرخی نەوتیش یەکێک بوو لە دەرئەنجامەکانی.

بەشی بکە لە
Previous Next
Close
Test Caption
Test Description goes like this