خۆپیشاندانێک بە بەشداری سەدان هەزار کەس لە ئەمریکا بەڕێوەدەچێت

0
131

SNN

ئەمڕۆ خۆپیشاندانێکی فراوان بە بەشداری 250 هەزار کەس لە واشنتنی پایتەختی ئەمریکا، دژ بە دیاردەی رەگەزپەرستی و بەکارهێنانی توندوتیژی لەلایەن پۆلیسەوە دژ بە کەسانی رەشپێست، بەڕێوەدەچێت.

بە گوێرەی میدیاکانی ئەمریکا خۆپیشاندانەکە لە ژێر ناوی “ئەژنۆت لەسەر ملمان لادە” بەڕێوەدەچێت، وەک ئاماژەیەک بۆ چۆنیەتی کوژرانی جۆرج فلۆید هاووڵاتیی رەشپێست لەلایەن پۆلیسەوە.

بڕیارە ئەمڕۆ لەلایەن کەسوکاری ئەو هاووڵاتییە رەشپێستە ئەمریکیانەی کە لەلایەن پۆلیسەوە کوژراون، چەندین وتار بەڕێوەبچێت، شوێنی وتاردانەکەش هەمان ئەو شوێنە دیاریکراوە کە مارتن لوسەر کینگ وتارە ناودارەکەی “من خەونم هەیە”ی پێشکەشکرد کە ناوەڕۆکەکەی داکۆکیکردن بوو لە مافی کەسانی رەشپێست.

خۆپیشاندانە فراوانەکانی ئەمریکا کە لە رابردوودا دژ بە رەگەزپەرستی بەڕێوەدەچوون، لەدوای دەرکردنی چەندین بڕیار لە بەرژەوەندی ئەو توێژەی کۆمەڵگای ئەمریکی، وەستان، بەڵام لەدوای کوشتنی هاووڵاتییەکی دیکە بەناوی جەیکەب بڵەیک لەلایەن پۆلیسەوە، لەئێستادا سەریانهەڵداوەتەوە.

بەشی بکە لە
Previous Next
Close
Test Caption
Test Description goes like this