سووتانى به‌نزیخانه‌یه‌ك زیانى زۆرى لێده‌كه‌وێته‌وه‌

0
1294

SNN- سیروان حه‌سه‌ن 

له‌ سنوورى گه‌رمیان ئاگر لە به‌نزیخانه‌یه‌ك 75 هه‌زار لیتر به‌نزین و سێ تانكه‌ر و كابینه‌یه‌ك و دوو مۆلیده‌ به‌ ته‌واوه‌تى دەسووتێنێت و پاش به‌شداریپێکردنی چوار بنكه‌ى به‌رگرى شارستانی، توانرا ئاگره‌كه‌ كۆنترۆڵبكرێت.

ئیبراهیم محه‌مه‌د به‌ڕێوه‌به‌رى به‌رگرى شارستانى كه‌لار بهSNNى راگه‌یاند: به‌یانى ئه‌مڕۆ شه‌ممه‌ 29ى ئابى 2020 له‌سه‌ر رێگاى كه‌لار بۆ ناحیه‌ى رزگارى ئاگر له‌ به‌نزینخانه‌یه‌ك كه‌وته‌وه‌ و به‌هۆیه‌وه‌ به‌نزینخانه‌كه‌ سووتا و زیانى زۆرى به‌ركه‌وت، به‌ شێوه‌یه‌ك 75 هه‌زار لیتر به‌نزین و سێ كابینه‌، سێ تانكه‌رى سووته‌مه‌نى و ژمێره‌رى سووته‌مه‌نى به‌ نزینخانه‌كه‌ و دوو مۆلیده‌ش سووتان.

وتیشى: “له‌به‌ر زۆریى ئاگره‌كه‌ به‌ به‌شدارى تیمه‌كانى بنكه‌ى ئاگركوژێنه‌وه‌ى كه‌لار، ڕزگارى، سه‌رقه‌ڵا و كۆكس ئه‌وكات توانرا ئاگره‌كه‌ كۆنترۆڵ بكرێت و به‌نزینخانه‌یه‌ك به‌ ته‌نیشتیه‌وه‌ له‌گه‌ڵ كۆگایه‌كى سووته‌مه‌نى و چوار تانكه‌رى یه‌ده‌گیش لە زیان پارێزران”.

ئیبراهیم محه‌مه‌د راشیگه‌یاند، به‌ وته‌ى خاوه‌نى به‌نزینخانه‌كه‌ هۆكارى كه‌وتنه‌وه‌ى ئاگره‌كه‌ شۆرتى كاره‌باوه‌ بووه‌.

بەشی بکە لە
Previous Next
Close
Test Caption
Test Description goes like this