تورکیا، ڕوسیا و ئێران: دژی رێککەوتنی نەوتی هەسەدە و ئەمریکاین

0
236

SNN

تورکیا، ڕوسیا و ئێران لە راگەیەندراوێکی هاوبەشدا دژایەتی خۆیان سەبارەت بە رێککەوتنی نەوتی نێوان هێزەکانی سوریای دیموکرات و کۆمپانیایەکی ئەمریکی نیشاندا و راشیانگەیاند: “پێویستە ئەمریکا سوریا جێبهێڵێت”.

ئەو سێ وڵاتە کە رێککەوتنی ئەستانە لە نێوانیاندا هەیە، لە راگەیەندراوێکی هاوبەشیاندا رایانگەیاندووە: “جەخت لە سەروەری سوریا دەکەینەوە، دژی دەستبەسەرداگرتنی نەوتی سوریاین بەشێوەیەکی نایاسایی و بردنەدەرەوەی داهاتەکەی”.

ئەو سێ وڵاتە رێککەوتنی نێوان هەسەدە و کۆمپانیایەکی خاوەن مۆڵەتی ئەمریکی بە “رێککەوتنێکی نایاسایی” ناودەبەن.

هاوکات رۆژنامەی ئۆرشەلیم پۆستی ئەمریکی لە بەدواداچوونێکیدا ئەوەی خستووەتەڕوو، گروپە چەکدارییەکانی ئێران کە لە سوریان ماوەیەکە پەیوەندییان لەگەڵ هۆزەکانی دێرزوور دروستکردووە و دەیانەوێت هانیانبدەن دژ بە ئەمریکا و داوای چوونەدەرەوەی ئەمریکا لە ناوچەکەیان بکەن.

ئەم هەفتەیەش پێکدادان و گرژی لە نێوان کاروانێکی سەربازی ڕوسیا و هێزەکانی ئەمریکا لە سوریا دروستبوو.

ئەمە لەکاتێکدایە، ماوەی چەند ساڵێکە تورکیا هێرش و ئۆپراسیۆنی دژ بە هێزەکانی سوریای دیموکرات لە باکووری سوریا دەستپێکردووە و چەند ناوچەیەکی لەژێر دەستی شەڕڤانان دەرکردووە و هەڕەشەکانیشی بەردەوامە.

 

بەشی بکە لە
Previous Next
Close
Test Caption
Test Description goes like this