لە سوتانی باڵەخانەیەکدا یەک دوکان رزگاری دەبێت کە مووچەی فەرمانبەرانی تێدا هەڵگیراوە

0
980

SNN-سیروان حه‌سه‌ن

باڵەخانەیەک لە شاری کەرکوک سوتا و زیانی یەک ملیۆن دۆلاری بەر دوکانداران گەیاند، بەڵام توانرا دوکانێکی حەواڵەکردنی دراو کە مووچەی فەرمانبەرانی تێدابوو لە سوتان رزگاربکرێت.

باڵه‌خانه‌كه‌ كه‌ به‌شێكى كۆگاى كاره‌بایی بووه‌ به‌ ته‌واوى سوتاوه‌ و ته‌نها یه‌ك دوكان لە سوتان رزگارى بووه،‌ ئه‌ویش دوكانى حه‌واڵه‌كردنى دراوه‌ و یه‌ك ملیۆن دۆلارى مووچه‌ى فه‌رمانبه‌رانى تێدا بووه‌.

قه‌یس میرزا به‌رێوه‌به‌رى راگه‌یاندنى به‌رێوه‌به‌رایه‌تى به‌رگرى شارستانى كه‌ركوك به‌ SNNی راگه‌یاند: له‌ بازاڕى ئه‌حمه‌د ئاغا كه‌ ده‌كه‌وێته‌ شه‌قامى ئه‌تڵه‌سه‌ لە شارى كه‌ركوك ئاگرێك له‌ باڵه‌خانه‌یه‌ك كه‌وته‌وه‌ و به‌هۆیه‌وه‌ زۆربه‌ى دوكان و كۆگاكانى نێو باڵه‌خانه‌كه‌ سوتان كه‌ به‌شێكیان كۆگاى تایبه‌ت به‌ مه‌وادى كاره‌بایی بوون.

وتیشى: به‌هۆى ئاگره‌كه‌وه‌ زیانى ماددى زۆر به‌ر كۆگاكانى كاره‌بایى نێو باڵه‌خانه‌كه‌ كه‌وتووه‌ به‌ تایبه‌تیش له‌به‌ر ئه‌وه‌ى غازى سپلێتى تێدابووه‌، ئه‌وه‌ وایكردووه‌ ئاگره‌كه‌ زیاتر ته‌شه‌نه‌بسێنێت و نزیكه‌ى چوار كاتژمێر تیمه‌كانى به‌رگرى شارستانى سه‌رقاڵى بوون ئه‌وكات توانرا كۆنترۆڵ بكرێت.

له‌باره‌ى هۆكارى ئه‌و ئاگره‌وه‌، قه‌یس میرزا رایگه‌یاند: له‌ لایه‌ن پۆلیسى به‌ڵگه‌ى تاوانه‌وه‌ نموونه‌ وه‌رگیراوه‌ و تاوه‌كو ئێستا له‌ ژێر لێكۆڵینه‌وه‌دایه‌ و هۆكارى كه‌وتنه‌وه‌ى ئه‌و ئاگره‌ به‌ نادیارى ماوه‌ته‌وه‌.

ئه‌وه‌شى خسته‌ڕوو: زیانى زۆر به‌ر كۆگاكانى مه‌وادى كاره‌بایى و دووكانه‌كانى دیكه‌ى باڵه‌كانه‌كه‌ كه‌وتووه‌ و تیمه‌كانیشیان بازاڕ و دوكان و باڵه‌خانه‌كانى ته‌نیشت ئه‌و بازاڕه‌یان له‌ سووتان رزگاركردووه‌.

به‌ پێى به‌دواداچوونه‌كانى SNN له‌ نێو ئه‌و باڵه‌خانه‌یه‌دا دووكانێكى دراو گۆڕینه‌وه‌ هه‌بووه‌ و توانراوه‌ ئه‌و تاكه‌ دوكانه‌ له‌ سووتان ڕزگار بكرێت و بڕى یه‌ك ملیۆن دۆلارى تێدا ده‌ربهێندرێت كه‌ مووچه‌ى فه‌رمانبه‌ران بووه‌.

دوکاندارەکان نیگەرانیان دەربڕی له‌وه‌ى لایه‌نه‌ په‌یوه‌ندیداره‌كان وه‌كو پێویست نه‌هاتوون به‌ ده‌نگیانه‌وه‌.

بەشی بکە لە
Previous Next
Close
Test Caption
Test Description goes like this