فڕۆکەکانی تورکیا بۆردومانی سیدەکانیان کرد

0
336

SNN

درەنگانی شەوی ڕابردوو فڕۆكە جەنگییەكانی توركیا بۆردومانی ناوچەی سیدەکانی كرد و بەو هۆیەوە مەڕدارانی سنووری سێ‌ شوێن ناوچەكەیان چۆڵكرد.

بە گوێرەی ئەو زانیارییانەی کە دەست SNN کەوتووە، فڕۆکەکانی تورکیا کاتژمێر یەکی بەرەبەیانی شەوی رابردوو گوندەکانی چیای زراران و گەرووی كایەڕەشك-یان لە سنووری سیدەكان بۆردومان كردووە.

شایەتحاڵان باس لەوەدەکەن، بەهۆی بۆردومانەکەوە ترس و دڵەڕاوکێ لای دانیشتوانی ناوچەکە دروستبووە و ناوچەکەیان جێهێشتووە.

بە بیانووی بوونی گەریلاکانی پەکەکە لە ناوچەکە، هه‌ردوو ئۆپراسیۆنەکانى (چنگى هه‌ڵۆ) و (چنگى پڵنگ) له‌ ئێستادا له‌لایه‌ن توركیاوه‌ له‌ناو خاكى هه‌رێمى كوردستان به‌ڕێوه‌ده‌برێن و تا ئێستا ژمارەیەک هاووڵاتی مەدەنی بوونەتە قوربانی و دەیان گوندیش چۆڵکراون، جگە لەوەی زیانێکی زۆری بە رەز و باخ و سروشتی ناوچەکان گەیاندووە.

بەشی بکە لە
Previous Next
Close
Test Caption
Test Description goes like this