هاوپەیمانی فەتح بۆ کازمی: رازی نابین تا سێ ساڵی تر ئەمریکا لە عێراق بمێنێت

0
623

SNN

وتەبێژی رەسمی هاوپەیمانی فەتح دەڵێت: “بە سەرۆکوەزیرانمان وتووە مانەوەی ئەمریکییەکان لە عێراق بۆ سێ ساڵی داهاتوو رەتدەکەینەوە”.

ئەحمەد ئەلئەسەدی ئەمڕۆ یەکشەممە رایگەیاند “ئێمە وەک هاوپەیمانی فەتح لاریمان نییە لە سەردانی کازمی بۆ هەر شوێنێکی دنیا بێت، جگە لە ئیسرائیل”.

ئەسەدی ئەوەشی خستۆتەڕوو کە مادام سەرۆکوەزیرانی عێراق لە چوارچێوەی رێککەوتنەکەندا کار دەکات، ئێمە پشتیوانیی تەواوی دەکەین.

وتیشی: “پێمان راگەیاندووە کە بەهیچ شێوەیەک رازی نابین بە مانەوەی سووپای ئەمریکا لە عێراق بۆ سێ ساڵی دیکە و لاریشمان نییە لە سەردانە دەرەکییەکانی کازمی بۆ دەرەوەی وڵات، ئیسرائیل نەبێت”.

هاوپەیمانی فەتح هاوپەیمانییەکی سیاسیی عێراقییە و لە لایەن هادی عامرییەوە ساڵی 2018 دامەزراوە و لە زیاتر لە 17 حیزب و رێکخراو پێکهاتووە.

بەشی بکە لە
Previous Next
Close
Test Caption
Test Description goes like this