توێژەرێک هۆکاری کەمبوونەوەی رێژەی کوشتن و توندوتیژی دژی ژنان ئاشکرادەکات

0
188

SNN- مەودا مستەفا

بەڕێوەبەرایەتی گشتی بەرەنگاربوونەوەی توندوتیژی دژی ئافرەتان و خێزان رایدەگەیەنێت بەراورد بە شەش مانگی یەكەمی ساڵی رابردوو لە شەش مانگی یەكەمی ئەمساڵ رێژەی توندوتیژی دژ بە ژنان كەمیكردوە ، توێژەرێکی کۆمەڵایەتیش هۆکارەکەی بۆ کەمبوونەوەی تێکەڵاوی و زیادبوونی هۆشیاری دەگەڕێنێتەوە.

رەوەند سابیر بەڕێوەبەری راگەیاندن و پەیوەندییەكان لە بەڕێوەبەرایەتی گشتی بەرەنگاربونەوەی توندوتیژی دژی ئافرەتان و خێزان بە SNNی  راگەیاند: لە شەش مانگی یەكەمی ئەمساڵ 3 حاڵەتی كوشتن و 13 حاڵەتی خۆكوشتن و 26 حاڵەتی خۆسوتاندن و 3769 سكاڵا هەبوون لەگەڵ 35 كەیسی دەستدرێژی سێكسی.

لە كاتێكدا لە شەش مانگی ساڵی رابردوو 22 حاڵەتی كوشتن و 32 حاڵەتی خۆكوشتن و 58 حاڵەتی خۆسوتاندن و 4972 سكاڵا و 47 كەیسی دەستدرێژی سێكسی هەبوون .

وتیشی: رێژەی توندوتیژیەكانی دژ بە ئافرەتان لە شەش مانگی ساڵی 2020 بە بەراورد بە شەش مانگی ساڵی رابردوو كەمیكردوە.

لای خۆشیەوە  شاڵا عوسمان توێژەی کۆمەڵایەتی بە SNN راگەیاند: پێم وایە هاتنی ڤایرۆسی کۆرۆنا و سەرقاڵبوونی هاووڵاتییان لە ژیانی خۆیان و کەمبوونەوەی تێکەڵاوی، هۆکارێکە بۆ کەمبوونەوەی رێژەی کوشتن.

سەبارەت بە کەمبوونەوەی رێژەی توندوتیژی دژی ژنانیش بەراورد بە ساڵی رابردوو، ئەو توێژەرە دەڵێت: “لە ئێستادا ژنان زیاتر پەنادەبەنە بەر تۆمارکردنی سکاڵای یاسایی دژ بەو کەسانەی کە توندوتیژییان دەکەنەسەر، ئاستی هۆشیاری لەناو کۆمەڵگادا لەو رووەوە باشتربووە”.

بەشی بکە لە
Previous Next
Close
Test Caption
Test Description goes like this