“پێداویستی و کەرەستەكانى تایبەت بە تووشبووانى کۆرۆنا لە هەڵەبجە بەرەو نەمان دەچن”

0
168
نەخۆشخانەی وەفا تایبه‌ت به‌ كۆرۆنا لە هەڵەبجە | فۆتۆ: عه‌لى حه‌مه‌سه‌عید / SNN

SNN – عەلی حەمەسەعید

بەڕێوەبەری نەخۆشخانەی (وەفا) تایبەت بە تووشبووانی ڤایرۆسی کۆرۆنا لە پارێزگای هەڵەبجە رایدەگەیەنێت: کەرەستە و پێداویستی تایبەت بە تووشبووانی کۆرۆنا بەرەو نەمان دەچێت، دەشڵێت: “حکومەت وەک ناحیەیەک مامەڵەمان لەگەڵ دەکات و لەلایەن خێرخوازان و سەرمایەدارانەوە هاوکاری دەکرێین”.

د. ئاراس حەمەسەعید، بەڕێوەبەری نەخۆشخانەی وەفا تایبەت بە تووشبووانی ڤایرۆسی کۆرۆنا لە پارێزگای هەڵەبجە بە SNNی راگەیاند: “لە ئێستادا جارێکی دیکە رێژەی تووشبوون بە ڤایرۆسی کۆرۆنا لە پارێزگاکەمان رووى لە زیادبوون کردووە، بە جۆرێک لە %50 پشکنینەکانمان بە هەڵگری ڤایرۆسی کۆرۆنا تۆماردەکرێن، بەڵام حکومەتی هەرێم و وەزارەتی تەندروستی نایەن بەدەم دابینکردنی پێداویستی و داواکارییەکانمانەوە و وەک ناحیە مامەڵەمان لەگەڵ دەکەن”.

وتیشى: “بەداخەوە کە بە پارێزگاکردنی هەڵەبجە لای هەندێک لە بەرپرسانی حکومەت هێشتا هەر ناوێکە و هیچی لە خزمەتکردنی هاووڵاتییان نەگۆڕیوە، چونکە هەر لە دروستکردنی نەخۆشخانەکە تا دابینکردنی پێداویستیيەکانی بە ئێستاشەوە لەسەر شانى خێرخواز و سەرمایەدار و کۆمەڵێک رێکخراو و دەزگای خێرخوازی بووە، لە کۆی دوو ملیار دینار کە بۆ کەرتی تەندروستی سلێمانی، هەڵەبجە، ڕاپەڕین و گەرمیان تەرخانکرا، هەڵەبجە تەنیا بڕی 170 ملیۆن دیناری بۆ خەرجکرا، ئەوەش بڕێکی زۆر کەمە و بەشی تەنیا هەفتەیەکی دابینکردنی پێداویستییەکان ناکات”.

بەڕێوەبەری نەخۆشخانەی وەفا ئەوەشی خستەڕوو: “لە ئێستادا 25 تووشبووی ڤایرۆسی کۆرۆنا لە نەخۆشخانەکەمان خەوێندراون کە باری تەندروستییان ناجێگرە تا ئێستاش 17 کەس بەهۆی کۆرۆناوە لە هەڵەبجە گیانیان لەدەستداوە، 20 نەخۆشمان لەژێر ئۆکسجیندان، لە کۆی 925 تووشبووی کۆرۆناش 837 یان چاکبوونەتەوە”.

 

بەشی بکە لە
Previous Next
Close
Test Caption
Test Description goes like this