120 کەس لە رۆژهەڵاتی کوردستان بە کلۆر ژەهراوی بوون

0
171

SNN

میدیاکانی ئێران بڵاویانکردەوە: بەهۆی تەقینەوەی بوتڵێکی کلۆرەوە لە گوندی زنجیرەی سەربە شاری چرداول لە پارێزگای ئیلام، گازی ژەهراوی لە رووبەری دوو کیلۆمەتردا بڵاوبووەتەوە و 120 کەس ژەهراوی بوون.

ئاژانسی هەواڵی ئیرنا بڵاویکردەوە، ئيلياس فەتاحى قایمقامی چرداول رایگەیاندووە، “تاوەکو ئێستا کەس بەهۆی ژەهراویبوونەکەوە گیانی لەدەستنەداوە، بەڵام باری تەندرووستی بەشێک لەوانەی ژەهراوی بوون ناجێگیرە”.
وتیشی: رووداوەکە بەهۆی کەمتەرخەمییەوە روویداوە، هاوکات ئاگادارى هاووڵاتيانى كردەوە لە ناوچەكە نزيك نەبنەوە.

ئاژانسەکە ئەوەی خستووەتەڕوو: ئەو بوتڵە کلۆرە 800 کیلۆ بووە و کاتێک گواستراوەتەوە لە شوێنێکی قەرەباڵغدا تەقیوەتەوە، بەهۆیەوە دەیان کەس ژەهراوی بوون.

ڕێکخراوی مانگی سوری ئێرانی رایگەیاندووە، بە دوو فڕۆکە گەیشتوونەتە شوێنی ڕووداوەکە و پێداویستیی پزیشکییان گەیاندووەتە زیاتر لە 100کەسی گوندەکە.

بەشی بکە لە
Previous Next
Close
Test Caption
Test Description goes like this