پاش رفاندنی بۆ ماوەی 3 رۆژ، بەڕێوەبەری کۆمپانیای مارسیدس لە عێراق ئازاد کرا

0
179

SNN

دەزگای ئاسایشی نیشتمانیی عێراق ئەمڕۆ شەممە رایگەیاند “بەڕێوەبەری لقی عێراقی کۆمپانیای ئۆتۆمبێلی مارسیدس لە عێراق پاش رفاندنی بۆ ماوەی 3 رۆژ، توانرا ئازاد بکرێت”.

لە بەیاننامەیەکی دەزگا ئاسایشییەکەدا هاتووە “پاش کۆکردنەوەی زانیاری بە بوونی رفێنراوێک لە ماڵێکدا لە گەڕەکی قاهیرەی شاری بەغدا، دەستکراوە بە لێکۆڵینەوە”.

بەپێی بەیاننامەکە، دوای هەڵکوتانە سەر ماڵەکە، دەرکەوت کەسە رفێنراوەکە رەگەزنامەی ئوردونیی هەیە و بەڕێوەبەری لقی عێراقی کۆمپانیای مارسیدسە بۆ بەرهەمهێنانی ئۆتۆمبێل.

لەکاتی هەڵکوتانە سەر ماڵەکەش، دەستگیراوە بەسەر چەند پارچە چەکێکدا و مۆبایل و پێویستیی دیکەش کە هی رفێنەرەکان بووە، دەستی بەسەردا گیراوە.

بەشی بکە لە
Previous Next
Close
Test Caption
Test Description goes like this