تورکیا ئۆپراسیۆنەکەی لە هەرێم کۆتایی پێهێنا

0
409

SNN

وەزارەتی بەرگری تورکیا رایگەیاند، ئۆپراسیۆنەکەی لە هەرێمی کوردستان کە لە ژێر ناوی ئۆپراسیۆنی “چنگ-پڵنگ” ئەنجامدەدا، کۆتایی پێهێناوە.

بە وتەی وەزارەتەکە لە سەرەتای ئۆپراسیۆنەکەوە “320 گەریلای پەکەکە لە چالاکی خراون”.
ئەوەشی خستووەتەڕوو: “كۆماندۆكان چوونە هەموو بنكە و حەشارگە و ئەشكەوتێكى رێكخراوى تيرۆريستى و كارەكانى گەڕان و پشكنينيان لە ناوچەى ئۆپەراسيۆنەكە بە سەركەوتوويى تەواوكرد. لەو چوارچێوەيەدا، دواى دەستنيشانكردنيان لە ناوچەى حەفتەنين سەرجەم ئەو چەك و تەقەمەنى و پێداويستييانەى كە لە 269 حەشارگە و 53 ئەشكەوتدا بوون، دەستیان بەسەردا گيراوە و لەناوبراون”.

تا ئێستا هێزەکانی پاراستنی گەل (هەپەگە) ئاماری گشتی زیانە گیانییەکانی ئەو ئۆپراسیۆنەی گەریلاکانی بڵاونەکردووەتەوە.

کۆتایی پێهێنانی ئۆپراسیۆنەکەی تورکیا لە خاکی هەرێم لە کاتێکدایە پێشتر حکومەتی ناوەند چەندین جار ناڕەزایی لەبارەی ئەو ئۆپراسیۆنەوە نیشاندابوو و باڵیۆزی تورکیا لە بەغداش چەند جارێک بانگهێشتی وەزارەتی دەرەوەی عێراق کرا سەبارەت بەو ناڕەزایەتییانە.

فەڕەنسا و بەشێک لە وڵاتانی عەرەبیش ئیدانەی هێرش و بۆردومانەکانی تورکیایان لە هەرێم کرد کە بەهۆیەوە زیانی گیانی و ماددی بەر هاووڵاتییان کەوتبوو.

بەشی بکە لە
Previous Next
Close
Test Caption
Test Description goes like this