ئەمشەو پەرلەمانی عێراق دەنگ بە کابینەکەی مستەفا کازمی دەدات

0
472

SNN- تایبەت

 

بڕیارە ئەمشەو 6ی ئایار پەرلەمانی عێراق دانیشتنێکی تایبەت بۆ دەنگدان بە کابینەکەی مستەفا کازمی رێکبخات، کۆبوونەوەکە کاتژمێر 9ی شەو بەڕێوەدەچێت و چاوەڕێدەکرێت زۆرینە تێبپەڕێنێت.

 

بەپێی سەرچاوەکانی SNN گەر هیچ گۆڕانکارییەک روو نەدات، ژمارەی پێویستی پەرلەمانتار لەهۆڵێ ئەنجومەنی نوێنەران ئامادەن و زۆرینەی پێویست هەیە بۆ تێپەڕاندنی کابینەکە.

 

هەر بەپێی زانیارییەکان، یەکێتیی نیشتمانیی کوردستان ناوی عەبدولرەحمان مستەفای بۆ وەزارەتی دادی عێراق لابردووە و لەشوێنی ئەو خالید شوانی بۆ پۆستەکە پاڵاوتووە.

 

لای خۆیەوە پارتی دیموکراتی کوردستانیش هێشتا یەکلا نەبۆتەوە لە وەرگرتنی یەکێک لەو دوو وەزارەتەی بۆی پێشنیاز کراوە کە وەزارەتەکانی دەرەوە و دارایین و هێشتا دیار نییە کامیان وەردەگرێت.

بەشی بکە لە
Previous Next
Close
Test Caption
Test Description goes like this