“متمانە بە ڤاکسینی کۆرۆنای ئەمریکا ناکرێت”

0
151

SNN

دۆناڵد ترەمپ سەرۆکی ئەمریکا بانگەشەی ئەوە دەکات، لە پێش هەڵبژاردنی سەرۆکایەتی ئەمساڵی ئەمریکا ڤاکسینی دژ بە کۆرۆنا لە ئەمریکا بەرهەمدەهێنرێت و شرۆڤەکارانیش دەڵێن: “پەلە کردن لە بەرهەمهێنانی ئەو ڤاکسینە بۆ ئەوەی وەک بانگەشە بەکاربهێنرێت، هۆکارێکی باشە بۆ ئەوەی وەرینەگریت”.

گۆڤاری فۆرێن پۆڵسی ئەمریکی نوسیویەتی: ئەگەر لەبەر پابەندبوون بە بەڵێنەکەی سەرۆکی ئەمریکاوە یاخود لەژێر هەڕەشەی ئەودا، لە پێش یەکی تشرینی دووەم ڤاکسینی کۆرۆنا بەرهەمبهێنرێت، لەکاتێکدا هیچ کام لەو 150 ڤاکسینەی کە لە ئەمریکا دروستدەکرێن سێ قۆناغەکەی تاقیکردنەوەی سەلامەندییان تێنەپەڕاندبێت، ئەوا گومان لەسەر سەلامەتی و کاریگەری ڤاکسینەکان دروستدەبێت.
گۆڤارەکە باسی لەوەشکردووە: کۆشکی سپی بڕی ملیۆنان دۆلاری بۆ کۆمپانیاکانی بەرهەمهێنانی دەرمان تەرخانکردووە و فەرمانی بە دەزگا حکومییەکان کردووە کە تا رۆژی هەڵبژاردن بەرهەمێکیان هەبێت.
ئەمە لەکاتێکدایە کەمتر لە دوو مانگ بەردەستە بۆ ئەوەی تاقیکردنەوەی بەکۆمەڵ لەسەر ڤاکسینەکان بکرێن و ئەنجامەکەی هەڵبەسنگێندرێت.

دۆناڵد ترەمپ لە هەڵبژاردنی سەررۆکایەتی ئەمساڵدا کاندیدی سەرەکی پارتی کۆمارییەکانە و رکابەری جۆو بایدن کاندیدی دیموکراتەکان دەکات، بانگەشەکانی هەڵبژاردن بە چەندین شێواز دەستیپێکردووە.

بەشی بکە لە
Previous Next
Close
Test Caption
Test Description goes like this