لەبارەی ئاوی زێی بچوکەوە هۆشداری دەدرێتە هاووڵاتییان

0
886

SNN-محەمەد مستەفا

ئەگەر هەیە ئەمڕۆ سێشەممە، ئێران لە بەنداوی کۆڵەسەی شاری سەردەشتی ڕۆژهەڵاتی کوردستان بەشێک لە ئاوی زێی بچوک بەربداتەوە .

لە ئاگاداریەکدا قایمقامیەتی قەزای پشدەر ئاگاداری هاووڵاتییان دەکاتەوە کەوا بە گوێرەی زانیاریەکان ئەمڕۆ سێشەممە ئێران بەشێک لە ئاوی زێی بچوک بەردەداتەوە، بۆیە ئەو هاووڵاتییانەی کە کاریان لە دەوری زێی بچوک هەیە بە ئاگابن لە بەرزبوونەوەی لە ناکاوی ئاوی زێی بچوک بۆ ئەوەی لە هەر رووداوێکی نەخوازراو بە دوور بن .

هاوکات زانا عوسمان سەرپەرشتیاری پرۆژەی ئاوی خواردنەوەی قەڵادزێ لەسەر زێی بچوک بە SNN ی راگەیاند: ئێستا وەرزی بەردانەی ئاوی زێی بچوکە لە لایەن ئێرانەوە .بۆیە ئەوا چاوەڕێ دەکەن ئەمڕۆ ئێران بەشێک لە ئاوی زێی بچوک بەربداتەوە، بەردانەوەی ئاوەکەش بە قازانجی گەورە دەبێت بۆ پڕۆژەی ئاوی خواردنەوەی قەڵادزێ.

بەشی بکە لە
Previous Next
Close
Test Caption
Test Description goes like this