سەرۆکی پەرلەمان “دوو پڕۆژە یاسای حکومەتمان لایە”

0
149
رێواز فایه‌ق، سه‌رۆكى په‌رله‌مانى كوردستان

SNN ـ مەودا مستەفا

سەرۆکی پەرلەمانی کوردستان رایدەگەێنێت :”دوو پڕۆژە یاسای حکومەتمان لایە یەکێکیان ئەمڕۆ گفتووگۆمان لەسەری کرد و ڕەنگە ئەوەی دیکەش لەدووهەفتەی داهاتوو ڕاپۆرت تەواو بکرێت لەسەری ئەویش گفتووگۆی لەسەر دەکەین، لەگەڵ سەرجەم پێشنیازە یاساییەکانی پەڕلەمانیش، جەختیشی کردەوە دانیشتنەکانی پەڕلەمان بەردەوام دەبن وەک ئەوەی لەپەیڕەودا هاتووە”

ڕێواز فایەق، سەرۆکی پەڕلەمانی کوردستان لەکۆنفڕانسێکی ڕۆژنامەوانیدا لەبارەی کێشەی دواکەوتنی ئەندامانی پەرلەمان ڕایگەیاند: نەهاتنی ئەندامانی پەرلەمان بەشێکی پەیوەندی بەوە هەیە زۆربەی فڕاکسیۆنەکان کاتژمێرێک بەر لەکۆبوونەوەی پەڕلەمان کۆبوونەوەی فڕاکسیۆن دادەنێن، ئەویش لەکاتی خۆیدا تەواو نابێت، لەگەڵ سەرۆکی فراکسیۆنەکان قسەمان کردەوە گەیشتووینەتە ئەنجامێک، بەڕاستی ئەمە کێشە نییە پێویستیش نەبوو لەڕاگەیاندن بەم شێوەیە گەورە بکرێت، بەڵام دەبێ سوود لەم کاتە وەربگرین کەلەبەردەستماندایە.

دەشڵێت “دوو پڕۆژە یاسای حکومەتمان لایە یەکێکیان ئەمڕۆ گفتووگۆمان لەسەری کرد و ڕەنگە ئەوەی تریش لەدووهەفتەی داهاتوو ڕاپۆرت تەواو بکرێت لەسەری ئەویش گفتووگۆی لەسەر دەکەین، لەگەڵ سەرجەم پێشنیازە یاساییەکانی پەڕلەمانیش، جەختیشی کردەوە دانیشتنەکانی پەڕلەمان بەردەوام دەبن وەک ئەوەی لەپەیڕەودا هاتووە.

لەبارە هەڕەشە لەسەرۆکی فڕاکسیۆنێک وتی، “هەر ئەندامێک بڵێت هەڕەشەم لێکراوەوە، سەرۆکاتی پەڕلەمان پابەندە بەگوێرەی پەیڕەو لیژنەیەک دروستبکات بۆ بەدواداچوون لیژنەش پێکهێنراوە، ناوبراویش ڕاسپێدراوە هەر بەڵگەیەکی هەیە پێشکەشی بکات دواتر بەپێی ئەنجامی ڕاپۆرتی لیژنە سەرۆکایەتی پەڕلەمان بڕیاری خۆی دەدات”.

بەشی بکە لە
Previous Next
Close
Test Caption
Test Description goes like this