داعش هه‌ڕه‌شه‌ له‌ سه‌رمایه‌داره‌كان ده‌كات

0
237

SNN-سیروان حه‌سه‌ن

به‌هۆى به‌هێزبوونه‌وه‌یان و كۆنترۆڵكردنى چه‌ند ناوچه‌یه‌كى سنووره‌كه‌ له‌ناحیه‌ى قه‌ره‌ته‌په‌ چه‌كدارانى داعش كه‌وتوونه‌ته‌ هه‌ڕه‌شه‌كردن له‌ سه‌رمایه‌دارو خاوه‌ن كارو ده‌وڵه‌مه‌نده‌كانى ناوچه‌كه‌ و داواى پاره‌یان لێده‌كات به‌ پێچه‌وانه‌وه‌ ژیانیان له‌ مه‌ترسیدایه‌.

محه‌مه‌د نارێنى به‌رپرسى كۆمیته‌ى یه‌كێتى له‌ قه‌ره‌ته‌په‌ به‌ SNNى راگه‌یاند: به‌هۆى به‌هێزبوونه‌وه‌ى چه‌كدارانى داعش له‌ گونده‌كانى ده‌وروبه‌رى قه‌ره‌ته‌په‌و هه‌ندێك ناوچه‌ى سنووره‌كه‌ بۆ خانه‌قین، له‌ ئێستادا ئه‌و چه‌كدارانه‌ كه‌وتوونه‌ته‌ هه‌ڕه‌شه‌كردن له‌ سه‌رمایه‌دار و كه‌سایه‌تییه‌ دیاره‌كانى قه‌ره‌ته‌په‌ و داواى پاره‌یان لێده‌كه‌ن.

وتیشى، “به‌ پێى ده‌وڵه‌مه‌ندییان چه‌كداره‌كان داواى پاره‌ له‌و كه‌سانه‌ ده‌كه‌ن به‌ تایبه‌تى سه‌رمایه‌دارو كه‌سه‌ دیاره‌كانى گونده‌كانى ده‌وروبه‌رى قه‌ره‌ته‌په‌ و بۆ نموونه‌ له‌ خاوه‌نى به‌نزینخانه‌یه‌ك داواى 40 هه‌زار دۆلاریان كردووه‌ و له‌ به‌رامبه‌ردا ئه‌گه‌ر ئه‌و پاره‌یه‌ نه‌ده‌ن خۆیان و خێزانه‌كانیان ده‌كه‌ونه‌ به‌ر په‌لامارى چه‌كداره‌كانى داعش”.

محه‌مه‌د نارێنى باسیشى له‌وه‌كرد، “به‌هێزبوونه‌وه‌ى چه‌كدارانى داعش له‌ ناوچه‌كه‌ بووه‌ته‌ ئاشكرا به‌ شێوه‌یه‌ك ژماره‌یه‌ك گوندیان به‌ ته‌واوه‌تى كۆنترۆڵ كردووه‌ و كۆبوونه‌وه‌ به‌ خه‌ڵكى ئه‌و گوندانه‌ ده‌كه‌ن و ته‌نانه‌ت به‌شێك له‌و گوندانه‌ هێزه‌ عێراقییه‌كانیش ناتوانن لێى نزیكببنه‌وه”‌.

هه‌فته‌یه‌ك له‌مه‌وبه‌ر له‌ سنوورى قه‌ره‌ته‌په‌ چه‌كدارانى داعش سێ كه‌سى له‌ گوندێكی ناوچه‌كه‌ ڕفاند ئه‌مه‌ش له‌به‌ر ئه‌وه‌ى پێشتر داواى پاره‌یان لێكردون و ئه‌وانیش ئاماده‌نه‌بوون ئه‌و پاره‌یه‌ بده‌ن به‌ داعش.

بەشی بکە لە
Previous Next
Close
Test Caption
Test Description goes like this