جوتیار عادل: ئەم مانگەش 320 ملیار دینارەکەی بەغدا دەنێردرێت

0
1197

SNN

وتەبێژی حکومەتی هەرێمی کوردستان دەڵێت: “ئەم مانگەش 320 ملیار دینارەکەی بەغدا دەگات و سەرۆکوەزیرانی عێراق نیەتێکی ئەرێنیی هەیە لەبارەی رێککەوتن لەنێوان هەوێر و بەغدا”.

جوتیار عادل رایگەیاند “لەڕووی مەبدەئییەوە نیەتێکی باش هەیە لەلایەن سەرۆکوەزیرانی عێراقەوە بۆ گەیشتن بە رێککەوتن و ئامادەیە بۆ چارەسەری کێشە هەڵپەسێردراوەکانی نێوان هەرێم و بەغدا”.

وتەبێژی حکومەتی هەرێمی کوردستان وتیشی: “عێراق پشکی هەرێمی کوردستانی لە قەرزەکان نەداوە و وەک هەولێریش ئامادەییمان نیشانداوە کە دەمانەوێت رێکبکەوین”.

راشیگەیاند “تائێستا حکومەتی عێراق مووچەی مانگەکانی 5 و 6 و 7ی نەناردووە بۆ هەرێمی کوردستان، بەڵام ناردنی 320 ملیار دینارەکە بەردەوامدەبێت و ئەم مانگەش بەغدا دەینێرێت”.

ئه‌مڕۆ پێنجشه‌ممه‌ مسته‌فا كازمى سه‌رۆكوه‌زیرانى عێراق به‌ سه‌ردانێكى فه‌رمی له‌ڕێگه‌ى فڕۆكه‌خانه‌ى نێوده‌وڵه‌تى هه‌ولێره‌وه‌ گه‌یشته‌ هه‌رێمى كوردستان له‌لایه‌ن شاندى باڵاى حكومه‌تى هه‌رێم به‌ سه‌رۆكایه‌تى مه‌سرور بارزانى، سه‌رۆكى حكومه‌ت و قوباد تاڵه‌بانى، جێگرى سه‌رۆكوه‌زیران، پێشوازى لێكرا.

سه‌ردانه‌كه‌ى مسته‌فا كازمى بۆ هه‌رێمى كوردستان یه‌كه‌مین سه‌ردانى ئه‌و سه‌رۆكوه‌زیرانه‌ى عێراقه‌ بۆ هه‌رێم له‌دواى بوونى به‌ سه‌رۆكوه‌زیران، له‌دواى ئه‌و زنجیره‌ كۆبوونه‌وانه‌ دێت كه‌ شاندى هه‌رێم به‌ سه‌رۆكایه‌تى قوباد تاڵه‌بانى، جێگرى سه‌رۆكى حكومه‌تى هه‌رێم له‌ چه‌ند رۆژى رابردوودا له‌ به‌غدا ئه‌نجامیدان له‌باره‌ى كێشه‌ هه‌ڵپه‌سێردراوه‌كانى نێوان هه‌ولێر و به‌غدا و پرسى بودجه‌ و مووچه‌ى هه‌رێم.

بەشی بکە لە
Previous Next
Close
Test Caption
Test Description goes like this