سێ منداڵ پێکەوە لە ئاوی زێی گەورەدا خنکان

0
1466

SNN- بڕیار محەمەد

وتەبێژی بەرگری شارستانی هەولێر رایگەیاند ئەمڕۆ لەکاتی مەلەکردن لە زێی گەورە دوو کوڕ و کچێکی منداڵ خنکان و تەرمەکانیشیان دۆزراونەتەوە.

سەرکەوت کاراش، وتەبێژی بەرگری شارستانی هەولێر بە SNNی راگەیاند: پاشنیوەڕۆی ئەمرۆ تیمەکانی بەرگری شارستانی قەزای خەبات ئاگادارکرانەوە بە بوونی رووداوێکی خنکان لە زێی گەورە لە سنووری گوندی گردە رەشە و دوای گەیشتنی تیمەکان دەرکەوت سێ کەس خنکاون کە دوو کوڕ و کچێکن.

راشیگەیاند: کوڕەکان بران و کچەکەش خەڵکی هەمان گوندە، تەمەنیان لە نێوان هەشت بۆ 12 ساڵدایە.

باسی لەوەشکرد: باوکی کوڕەکان ویستوویەتی منداڵەکان رزگاربکات بەڵام نەیتوانیووە، نزیکبووە خۆشی بخنکێت، تەندروستی تێکچووە و ئێستا لە نەخۆشخانەی خەباتە.

وتیشی: “تیمەکانمان توانیویانە تەرمەکان لە ئاوەکەدا دەربهێن”.

وێنە: SNN

بەشی بکە لە
Previous Next
Close
Test Caption
Test Description goes like this