سبەینێ هاتنەناوەوەی بارهەڵگر لە دەروازەی باشماخەوە دەستپێدەکاتەوە

0
570

SNN

چەند رۆژێکە هاتنەناوەوەی بارهەڵگر لە دەروازەی باشماخەوە بۆ هەرێم راگیراوە و بڕیارە لە سبەینێوە هاتنەناوەوەیان دەستپێبکاتەوە.

لەبارەی هۆکاری ئەو راگرتنە، مەریوان عومەر بەڕێوەبەری دەروازەی سنووری باشماخ رایگەیاند: “هۆکاری راگرتنی هاتنەناوەوەی بارهەڵگری ئێرانی لە دەروازەکەوە، بەهۆی کێشەیەکی تەکنیکی بووە و هیچ پەیوەندییەکی بە سەردانەکەی مستەفا کازمییەوە نیە”.

وتیشی: لەگەڵ بەرپرسانی ئێران گفتوگۆمان کردووە و کێشەکە چارەسەرکراوە و لە سبەینێوە هاتنە ناوەوەی بارهەڵگرەکان دەستپێدەکاتەوە.

لە ماوەی رابردوودا، بارهەڵگرانی کورد رێگرییان لە هاتنەناوەوەی شۆفێرانی بارهەڵگری ئێرانی کرد بۆ ناو هەرێمی کوردستان و رایانگەیاند، ئەوە زیان بە بژێوی ژیانیان دەگەیەنێت.

شۆفێرەکان داوایانکرد هەمان رێکاری کاتی کەرەنتینە بەڕێوەبچێت کە بارهەڵگرە ئێرانییەکان لە سنووری باشماخ بارەکانیان دادەگرت و شۆفێرانی کورد بارەکانیان بۆ هەرێمی کوردستان دەگواستەوە.

بەشی بکە لە
Previous Next
Close
Test Caption
Test Description goes like this