رووسیا دەستیکرد بە دابەشکردنی پێکوتەی کۆرۆنا بەسەر هاووڵاتییانی خۆیدا

0
281

SNN

وەزارەتی تەندروستیی رووسیا رایگەیاند “ئەمڕۆ شەممە یەکەم ڤاکسینی (سپۆتنیک V) کە پێکوتەیەکی دژە کۆرۆنایە، دابەشکراوە بەسەر هەرێمەکاندا”.

لە بەیاننامەیەکدا وەزارەتەکە دەڵێت: “لە ئەمڕۆوە ئەو چین و توێژانەی زۆر ئەگەری تووشبوونیان هەیە بە ڤایرۆسی کۆرۆنا، ڤاکسینەکەیان لێدەدرێت، پێکوتەکەش دابەشکراوە بەسەر هەرێمەکاندا و بەردەوامیشی دەبێت”.

بەگوێرەی بەیاننامەکەی وەزارەتی تەندروستیی رووسیا، ئەمە یەکەم گوژمەی دابەشکردنی پێکوتەکەیە و هەموو رێوشوێنەکان بۆ ئەو پرۆسەیە ئامادەکاریی تەواوی بۆ کراوە.

رۆژی 11ی مانگی رابردوو ڤلادیمێر پۆتین سەرۆکی رووسیا رایگەیاند “وەزارەتی تەندروستیی وڵاتەکەی یەکەم ڤاکسینی کۆرۆنای لە جیهان پەسەند کرد و کچەکەی خۆشی ڤاکسینەکەی لەسەر تاقیکراوەتەوە.”

ئەو ڤاکسینە لەلایەن دامەزراوەی گامالایە بەرهەمهێنراوە و رۆژی 11-8-2020 لەلایەن وەزارەتی تەندروستیی رووسیاوە گڵۆپی سەوزی بۆ هەڵکرا.

سەرۆکی رووسیا ئاشکرای کرد یەکێک لە کچەکانی ڤاکسینەکەی پێدراوە، وتیشی: “ئەو بەشێک بوو لە تاقیکردنەوەکە”.

 

 

بەشی بکە لە
Previous Next
Close
Test Caption
Test Description goes like this