ئێران ئەو زۆرانبازەی لەسێدارە دا کە ترەمپ وتی مەیکوژن

0
110

SNN

دەسەڵاتدارانی کۆماری ئیسلامیی ئێران بەرەبەیانی ئەمڕۆ شەممە نەوید ئەفکاری کوڕە زۆرانبازی لەسێدارە دا و گوێ بەو هەموو داواکارییە نێودەوڵەتییانە نەدرا کە داوایاندەکرد تاران ئەو کارە نەکات.

بەشێکی زۆر لە کەسایەتییە وەرزشی و سیاسییەکانی جیهان، لە نێویاندا دۆناڵد ترەمپ سەرۆکی ئەمریکا داوایان کردبوو حوکمی سێدارەی نەوید هەڵبووەشێتەوە.

هەفتەی رابردوو مەهدی مەحمودیان چالاکوانی سیاسی رایگەیاندبوو “نەوید ئەفکاری زۆرانباز لە گرتووخانەکەی خۆی گواستراوەتەوە بۆ شوێنێکی نادیار”.

پێشتر نەوید ئەفکاری تۆمەتبار کرابوو بە کوشتنی فەرمانبەرێکی ئاو و ئاوەڕۆی شاری شیراز لە خۆپیشاندانەکانی مانگی ئابی ساڵی 2018 بەچەقۆ.

پێشتر دۆناڵد ترەمپ سەرۆکی ئەمریکا لە تویتێکیدا داوایکردبوو کە ئێران سزای لەسێدارەدان بۆ نەوید ئەفکاریی هەڵبووەشێنێتەوە.

ساڵی 2019 حکومەتی ئێران 251 کەسی بە تۆمەتی جیا جیا لەسێدارە دا، دووەم وڵاتە لە جیهاندا پاش چین، بەپێی دوایین راپۆرتی رێکخراوی لێبووردنی نێودەوڵەتی.

بەشی بکە لە
Previous Next
Close
Test Caption
Test Description goes like this