گەشتیاران لە مەرزی پەروێزخان شەش کاتژمێر دەهێڵرێنەوە

0
225
SNN-سیروان حه‌سه‌ن
بریاره‌ به‌م نزیكانه‌ مه‌رزى په‌روێزخان به‌ ڕووى هاتووچۆكردنى هاووڵاتییان بكرێته‌وه‌ ئه‌مه‌ش دواى ئه‌وه‌ى له‌ رێگه‌ى كۆماپانیایه‌كه‌وه‌ پشكنینى كۆرۆنا بۆ گه‌شتیاران ده‌كرێت پشكنینه‌كه‌ ماوه‌ى شه‌ش كاتژمێر ده‌خایه‌نێت و گەشتیاران لە مەرزەکە چاوەڕێی دەکەن.  
عه‌لى تۆفیق به‌رێوه‌به‌رى ده‌روازه‌ى مه‌رزى په‌روێزخان به‌ SNNى راگه‌یاند؛ سه‌رقاڵى ته‌واوكردنى كاروباره‌كانى تایبه‌ت به‌ كردنه‌وه‌ى مه‌رزى په‌روێزخانن به‌ ڕووى هاتووچۆكاران كه‌ بڕیاره‌ به‌م نزیكانه‌ به‌ رووى هاتووچۆى گه‌شتیاران بكرێته‌وه‌.
وتیشى: بۆ ئاسایى كردنه‌وه‌ى هاتووچۆ له‌ نێوان كوردستان و ئێران به‌ بڕیارى وه‌زاره‌تى ناوخۆى هه‌رێم كۆمپانیایه‌كى پشكنینى ڤایرۆسی كۆرۆنا له‌ مه‌رزه‌كه‌ داده‌مه‌زرێت بۆ ئه‌وه‌ى له‌ كاتى هاتنى گه‌شتیاران پشكنینیان بۆ بكات و ماوه‌ى ئه‌و پشكنینه‌ش شه‌ش كاتژمێرى پێده‌چێت.
عه‌لى تۆفیق ئه‌وه‌شى خسته‌ڕوو، له‌ كاتى هاتنه‌وه‌یان گه‌شتیاران به‌هۆى پشكنینه‌كه‌وه‌ بۆ ماوه‌یه‌ك له‌ مه‌رزه‌كه‌ ده‌مێننه‌وه‌ بۆ ئه‌وه‌ش سه‌رقاڵى دروستكردن و دامه‌رزاندنى شوێنێكى حه‌وانه‌وه‌ و پشوودانى گه‌شتیارانن بۆ ئه‌وه‌ى له‌و شوێنه‌ بمێننه‌وه‌ تاوه‌كو ئه‌نجامى پشكنینه‌كانیان ده‌رده‌چێت.
له‌ مانگى ئازارى رابردووه‌وه‌ به‌هۆى ڤایرۆسی كۆرۆنا هاتووچۆى گه‌شتیاری له‌ نێوان كوردستان و وڵاتى ئێران وه‌ستێندراوه‌ و بڕیاره‌ له‌ ناوه‌راستى ئه‌م هه‌فته‌یه‌ بكرێته‌وه‌ و بۆ ئه‌مه‌ش پشكنینى كۆرۆنا بۆ گه‌شتیار ده‌كرێت و پاره‌ى پشكنینه‌كه‌ش گه‌شتیار خۆى ده‌یدات.
بەشی بکە لە
Previous Next
Close
Test Caption
Test Description goes like this