ئاستی ئاوی دەریاچەی دووکان رووی لە دابەزین کردووە

0
347

SNN-محەمەد مستەفا

هەرچەندە ساڵی پار ئاستی ئاوی دەریاچەی دووکان و زێیی بچوک گەیشتە بەرزترین ئاستی خۆی لە ماوەی 25 ساڵی رابردوو ، پێشبینی دەکرا تا ماوەیەکی زۆر ئاستی ئاوی دەریاچەی دوکان روو لە دابەزین نەکات بەڵام بەردانەوەی زیاتری ئاو لە بەنداوی دووکان و گرتنەوەی ئاوی زێی بچوک لە لایەن ئێرانەوە، ئاستی ئاوی دەریاچەی دووکانی بەشێوەیەکی بەرچاو دابەزاندووە .

سەلام عومەر بەڕێوەبەری ئاوی ڕاپەڕین بە SNN ی راگەیاند: هەرچەندە هەموو ساڵێک لە مانگی تەمموزەوە بە هۆکارە ژینگەییەکان ئاستی ئاوی دەریاچەی دووکان روو لە دابەزین دەکات، بەڵام ئەمساڵ گرتنەوەی ئاوی زێی بچوک کاریگەری بەرچاو و راستەوخۆی لەسەر دابەزینی ئاستی ئاوی دەریاچەی دووکان هەبووە.

وتیشی: “یەکێکی تر لە هۆکارەکان بریتیە لەوەی کە بەردانەوەی ئاو لە بەنداوی دووکان زیاترە لەو رێژەیەی کە دەڕژێتە ناوی، بۆیە ئەمەش هۆکارێکی ترە بۆ دابەزینی ئاستی ئاوی دەریاچەی دووکان”.

باسی لەوەشکرد: گرتنەوەی ئاوی زێی بچوک لە ساڵانی داهاتوو گرفتی گەورە بۆ هەرێمی کوردستان دروست دەکات بۆیە پێویستە حکومەتی هەرێم ئەو مەسەلەیە بە جدی وەربگرێت .

بەشی بکە لە
Previous Next
Close
Test Caption
Test Description goes like this