ئەمریکا تاوتوێی گواستنەوەی هێزەکانی لە تورکیاوە بۆ یۆنان دەکات

0
266

SNN

سیناتۆرێکی باڵای پارتی کۆمارییەکان رایگەیاندووە، ئەمریکا تاوتوێی گواستنەوەی هێزەکانی دەکات لە بنکەی ئاسمانی ئینجەرلیک لە تورکیاوە بۆ دوورگەی یۆنان، ئەوەش بەهۆی ئەو سیاسەتانەی ئەنقەرەوە کە “جێگەی نیگەرانین”.

رۆن جۆنسن کە سەرۆکی لیژنەی پەیوەندییە دەرەکییەکانی ئەنجومەنی پیرانی ئەمریکا-لقی ئەوروپا، لە لێدوانێکیدا لەگەڵ گۆڤاری Washington Examinerی ئەمریکی رایگەیاندووە: “نازانین چی بەسەر ئینجەرلیک دێت، ئومێد بۆ شتی باش دەخوازین بەڵام دەبێت خراپترین ئەگەر لێکبدەینەوە”.

روونیشیکردەوە: “واشنتن دەیەوێت هەماهەنگییەکانی لەگەڵ تورکیا بەردەوامبێت و هێزەکانی لە خاکی ئەو وڵاتەدا بهێڵێتەوە، ئێمە ئەو گۆڕانکارییە ستراتیجیەمان ناوێت، بەڵام دەبێت لە راستی بارودۆخەکە بکۆڵینەوە، کە ئەویش ئەوەیە، ئەردۆغان رێچکەیەکی خراپی گرتووەتەبەر”.

وتیشی: واشنتن یۆنان وەک جێگرەوەیەک بۆ ئینجەرلیک دەبینێت کە بتوانێت هێزەکانی بۆ بگوازێتەوە، ئەو هەڵسوکەوتەی ئەردۆغان گرتوویەتیەبەر جێگەی نیگەرانییە و هانی واشنتن دەدات هەماهەنگی سەربازی لەگەڵ یۆنان دروستبکات بە مەبەستی ئەوەی هێزەکانی لە دوورگەی کریت لە یۆنان جێگیربکات.

تورکیا و ئەمریکا لەسەر چەندین پرسی جیاواز ناکۆکن وەک هاوکاریکردنی ئەمریکا بۆ هێزەکانی یەپەگە، بەدەستهێنانی سیستەمی مووشەکی رووسی لەلایەن تورکیاوە، گرژیەکانی رۆژهەڵاتی دەریای ناوەڕاست کە تورکیا دروستیکردووە.

بەشی بکە لە
Previous Next
Close
Test Caption
Test Description goes like this