دایکی یەکێک لە داعشە بەریتانییەکان دەیەوێت کوڕەکەی لە پەتی سێدارە رزگار بکات

0
406

SNN

رۆژنامەی دەیلی مەیلی بەریتانی بڵاویکردووەتەوە دایکی یەکێک لە ئەندامانی گروپی داعش بڕیاریداوە سکاڵا لەسەر وەزارەتی ناوخۆ تۆمار بکات تا کوڕەکەی لە پەتی سێدارە لە عێراق یان ئەمریکا رزگار بکات.

کوڕی ئەو ژنە بەریتانییە ناوی (شافعی شێخ)ە کە لەگەڵ هاوڕێیەکی بەریتانی دیکەیدا بە (بیتەلز داعش) ناسرابوون، چونکە هاوڕێیەتیی جۆن ئینگلیزی-یان کردووە کاتی خۆی لە سوریا، ئەو سەربڕەی سەری ژمارەیەک بەبارمتە گیراوی لە لاشەیان جیاکردەوە.

مەها جنزولیی دایکی ئەو داعشە دەستگیر کراوە کە ئێستا لای ئەمریکییەکانە، دەڵێت: “سکاڵا لەسەر بریتی بایدڵ وەزیری ناوخۆ تۆمار دەکەم، چونکە بەنیازە داتا و زانیارییەکان بدات بە ئەمریکییەکان تا کوڕەکەمی پێ سزا بدەن”.

دادگای باڵای بەریتانیا هەفتەی رابردوو بڕیارێکی دادوەریی هەڵوەشاندەوە کە رێگر بوو لە بەردەم بەریتانیا زانیاریی کەسی بداتە ئەمریکییەکان لەبارەی ئەم دۆسیەیەوە، بۆیە دایکی شافیعی تانەی لەم بڕیارە داوە.

ئەمریکییەکان دەڵێن گەر بەڵگە سەلمێنەرەکان تا 15ی مانگی داهاتوو نەگاتە دەستیان، ئەوا دەیان گوازنەوە بۆ عێراق و لەوێ سزای لەسێدارەدانیان بەسەردا جێبەجێدەکرێت.

مانگی کانونی دووەمی ساڵی 2018 هێزەکانی سوریای دیموکرات ئەم دوو چەکدارەی داعشیان دەستگیر کرد و رادەستی سوپای ئەمریکایان کردن و لەو کاتەوە واشنتن داوا دەکات لە ناو خاکی خۆی دادگاییان بکات، بەڵام بەریتانیا رازی نییە.

بەشی بکە لە
Previous Next
Close
Test Caption
Test Description goes like this