چین وەک دووەم وڵات ڤاکسینی کۆرۆنا دەداتە هاووڵاتییانی

0
965

SNN

کۆمپانیایەکی حکومی بەرهەمهێنانی دەرمان لە چین دەستیکردووە بە کوتانی هاووڵاتییانی وڵاتەکە بە ڤاکسینی دژ بە کۆرۆنا، لە قۆناغی یەکەمیشدا سەدان هەزار کەس کوتراون.

رۆژنامەی وۆڵ ستریت جۆرناڵی ئەمریکی بڵاویکردووەتەوە، گروپی (بایۆتێک-ی نیشتمانی چین) کاری لەگەڵ کۆمپانیای سینۆفارم کردووە بۆ کوتانی سەدان هەزار هاووڵاتی چینی، هەروەها بە هەماهەنگی لەگەڵ کۆمپانیای سینۆڤاک بایۆتێک، سێ هەزار کەسی دیکە لە چین ڤاکسینەکەیان وەرگرتووە.

ئەگەرچی ئەو رۆژنامە ئەمریکییە باس لەوەدەکات، ڤاکسینەکان توێژینەوەی تەواویان لەسەر نەکراوە لەبەر ئەوە هۆشداری دەدرێت لە مەترسییەکانی، بەڵام کۆمپانیا چینییەکان دڵنیاییان داوە لە سەلامەتی ڤاکسینەکانیان و بەجۆرێک کارمەندانی کۆمپانیاکان و کەسوکاری بەڕێوەبەری جێبەجێکاری ئەو دوو کۆمپانیایەش ڤاکسینەکەیان وەرگرتووە.

لەبارەی ئەو هاووڵاتییانەی کە ڤاکسینەکەیان پێدراوە، لیو بیشینگ وتەبێژی کۆمپانیای سینۆڤاک دەڵێت: ئەوانەی ڤاکسینیان پێدراوە بە شێوەیەکی خۆبەخش بەشدارییان کردووە و خۆبەخشەکانیش لە مەترسییەکانی ڤاکسینەکە ئاگادارکراونەتەوە پێش ئەوەی کە پێیاندراوە.

وتیشی: کارمەندەکانی کۆمپانیاکە ڤاکسینەکەیان پێدراوە چونکە بڕوامان وایە کارمەندەکان مەترسی گەورەیان لەسەرە چونکە زۆرترین بەرکەوتەیان لەگەڵ هاووڵاتی هەیە.

ئەمە لەکاتێکدایە پێشتر روسیا دەستیکرد بە کوتانی هاووڵاتییانی بە ڤاکسینێک کە دروستکراوی وڵاتەکەیە.

 

بەشی بکە لە
Previous Next
Close
Test Caption
Test Description goes like this