17 هەزار مامۆستای وانەبێژ داوای دامەزراندن دەكەن

0
129

SNN- بڕیار محەمەد

ئەمڕۆ ژماریەك لە مامۆستایانی وانەبێژ بەنوێنەرایەتی 17 هەزار مامۆستای وانەبێژ لەبەردەم بەڕێوبەرایەتی گشتی پەروەردەی هەولێر گردبوونەوەیان ئەنجامدا و لە گردبوونەوەكەدا داوایان لە لایەنە پەیوەندیدارەكان كرد دایانبمەزرێنێت.

دەشڵێن ساڵانی وانەبێژی و ساڵی دەرچوون رەچاو بکرێت بەو مەرجەی وانەبێژی كردبێت لە كاتی دامەزراندن.

سەفەر نەسرەدین بە نوێنەرایەتی مامۆستایانی وانەبێژ لە كۆنگرەیەكی رۆژنامەوانیدا ئەمڕۆ یەکشەممە رایگەیاند “وەك دەستەی مامۆستایانی وانەبێژ لە هەرێمی كوردستان كە نوێنەرایەتی (17 هەزار) مامۆستای وانەبێژ دەكەین، داواكارین لە ئەنجوومەنی وەزیران و وەزارەتی پەروەردە و سەرجەم لایەنە پەیوەندیدارەكانی تایبەت بە كەرتی پەروەردە كە بەدەم داواكارییەكانی مامۆستایانی وانەبێژەوە بێن”.

وتیشی: “دەبێت داواكارییەكانمان وەك خۆی جێبەجێبكرێت لە زووترین كاتدا، كە مافی سەرەتاییمانە و دەیان جار داوامانكردووە و لای هەمووان ڕوونە كە مامۆستایانی وانەبێژ بەوپەڕی دڵسۆزییەوە و بێ دابڕان كاری خۆیان ‌ئەنجامداوە لە هەمانكاتیشدا لەوپەڕی خراپیی دۆخدا ژیان دەگوزەرێنن”.

ئاماژەی بەوەشکرد کە دەبێت هەرچی زووە بەدەم داواكارییەكانی مامۆستایانی وانەبێژەوە بێن، بۆ ئەوەی سێكتەری پەروەردە زیاتر بەرەوپێشبچێت”.

وتیشی: “داواكارییەكانمان بریتین لەوەی دامەزراندنی مامۆستایانی وانەبێژ بە هەمیشەیی و بێ جیاوازی كردن لە نێوان بەشەكاندا فەرمانی بۆ دربچێت، ئەولەویەت بۆ ئەو وانەبێژانە بێت کە ساڵی خزمەتیان زۆرە، هاوکات ڕەچاو كردنی ساڵانی وانەبێژی و ساڵی دەرچوون (بەو مەرجەی وانەبێژی كردبێت) لە كاتی دامەزراندن”.

بەشی بکە لە
Previous Next
Close
Test Caption
Test Description goes like this