شاندێکی عێراقی کێشەی ئاو لەگەڵ ئێران و تورکیا تاوتوێدەکات

0
186

SNN

لیژنەی پەیوەندییەکانی دەرەوەی پەرلەمانی عێراق رایگەیاند: بەمزوانە شاندێکی دانوستانکار پێکدەهێنرێت و سەردانی هەریەک لە ئێران و تورکیا دەکات بە مەبەستی یەکلاییکردنەوەی کێشەی ئاو لەگەڵ ئەو دوو وڵاتەدا.

 ئیقبال عەبدولحسێن بڕیاردەری لیژنەی پەیوەندییەکانی دەرەوەی پەرلەمانی عێراق بە ئاژانسی هەواڵی عێراقی راگەیاندووە: “وەزارەتی دەرەوە پێیڕاگەیاندوین بە فەرمانی مستەفا کازمی سەرۆکوەزیرانی عێراق، شاندێکی دانوستانکار بە سەرۆکایەتی مەهدی رەشید حەمدانی وەزیری سەرچاوە ئاوییەکان پێکبهێنین بۆ گفتوگۆکردن لەگەڵ هەریەک لە ئێران و تورکیا بە مەبەستی یەکلاییکردنەوەی کێشەی ئاو.”

وتیشی: “شاندی دانوستانکار هەوڵدەدات بۆ چارەسەرکردنی کێشەی بەردانەوەی ئاوی هاوبەش و دروستنەکردنی بەنداوی زیاتر لەلایەن ئێران و تورکیاوە کەدەبێتە هۆی زیادکردنی ناوچەی بیابانی لە عێراق، سەرەڕای ئەوەی زیان بە کشتوکاڵی عێراق دەگەیەنێت.”

زۆربەی سەرچاوە ئاوییەکانی عێراق بە خاکی وڵاتانی دراوسێدا دێنە ناو وڵاتەکەوە و هەردوو وڵاتی تورکیا و ئێرانیش بەهۆی دروستکردنی بەنداوەوە بەردانەوەی ئاویان بۆ عێراق و هەرێم کەمکردووەتەوە.

بەشی بکە لە
Previous Next
Close
Test Caption
Test Description goes like this