لیژنه‌ى وه‌به‌رهێنان له‌په‌رله‌مانى كوردستان حكومه‌ت به‌ هۆكارى وه‌ستانى پرۆژه‌كان ده‌زانێت

0
263

SNN- سیروان حه‌سه‌ن 

ئه‌مڕۆ سه‌رۆكى لیژنه‌ى ئاوه‌دانكردنه‌وه‌ و وه‌بەر‌هێنان له‌ په‌رله‌مانى كوردستان سه‌ردانى پرۆژه‌كانى رێگاوبان و نیشته‌جێبوونى كرد له‌ گه‌رمیان و له‌ لێدوانێكیدا حكومه‌تى به‌ كه‌مته‌رخه‌م و هۆكار زانى بۆ په‌ككه‌وتنى پرۆژه‌كانى ناوچه‌كه.

هاوڕێ مه‌لا ستار سه‌رۆكی لیژنه‌ی ئاوه‌دانكردنه‌وه‌ و وه‌به‌رهێنانى په‌رله‌مانى كوردستان به‌ SNNى راگه‌یاند “ئه‌مڕۆ به‌مه‌به‌ستی له‌ نزیه‌كه‌وه‌ بینینی پرۆژه‌كانی وه‌ربه‌رهێنان و ئاوه‌دانكردنه‌وه‌ و به‌دواداچوونی كه‌موكورتییه‌كانی پرۆژه‌كان و نووسینی تێبینی خۆمان له‌سه‌ریان، سه‌ردانی چه‌ند پرۆژه‌یه‌كی وه‌به‌رهێنان و ئاوه‌دانكردنه‌وه‌مان له‌سنووره‌كه‌ كردووه‌ كه‌ به‌شێكیان راگیراون”.

وتیشى: “له‌ به‌دواداچوونیان بۆیان ده‌ركه‌وتووه‌ ئه‌و پرۆژانه‌ى راگیراون هۆكاره‌ى كه‌مته‌رخه‌مى حكومه‌تى هه‌رێمه‌ كه پێشینه‌ى كۆمپانیاكان ته‌رخان ناكات، هه‌ر بۆیه‌ هه‌موو ئه‌و تێبینی و پێشنیارانەی وه‌ریده‌گرین له‌سه‌ر پرۆژه‌كان، وه‌ك لیژنه‌ی ئاوه‌دانكردنه‌وه‌ و وه‌به‌رهێنان ئاراسته‌ی وه‌زیری ئاوه‌دانكردنه‌وه‌ و نیشته‌جێكردنی ده‌كه‌ین به‌ مه‌به‌ستی ته‌واوكردنیان”.

سه‌باره‌ت به‌ پرۆژه‌كانى سنوورى گه‌رمیان پێشتر ژماره‌یه‌ك له‌ وه‌ربه‌هێنه‌ره‌كانى سنووره‌كه‌ له‌ كۆنگره‌یه‌كى رۆژنامه‌وانى ئه‌وه‌یان خسته‌ڕوو كه‌ به‌هۆى پێنه‌دانى پێشینه‌كانیان 45 پرۆژه‌ له‌ سنوورى گه‌رمیان راگیراون و حكومه‌تى هه‌رێم ئاماده ‌نییه‌ ته‌نانه‌ت چه‌كیان بۆ بكات یان وه‌كو دڵخۆشكردنێك ئه‌و پاره‌یه‌ى لاى حكومه‌تە بۆیان بخاته‌ سه‌ر ئه‌ژمارى بانكى.

له‌ گرنگترین پرۆژه‌ په‌كکه‌وتووه‌كانى سنوورى گه‌رمیان جووتسایدكردنى رێگاى كه‌لار بۆ سلێمانى و كه‌لار بۆ كفری و نه‌خۆشخانه‌ى 100 قه‌رەوێڵه‌ییه‌ له‌ گه‌رمیان له‌گه‌ڵ چه‌ند پرۆژه‌یه‌كى دیكه‌ى نێشته‌جێبوون.

بەشی بکە لە
Previous Next
Close
Test Caption
Test Description goes like this