هاوکارییە تەندروستییەکانی کۆریای باشوور گەیشتە کوردستان

0
608

SNNـ بڕیار محەمەد

کۆریای باشوور هاوکاری پێداویستی پزیشکی بەخشیە هەرێمی کوردستان کە لەلایەن ڕێکخراوی (کۆیکای) دابینکراوە و بۆ بەرەنگاربوونەوەی نەخۆشی ڤایرۆسی کۆرۆنای نوێ COVID-19، وەزیری تەندروستیش ڕایگەیاند، لە 24 کاتژمێری ڕابردوو 573 کەس تووشی کۆڕۆنا بوون، 20 کەسیش گیانی لەدەستداوە.

سامان بەرزنجی، وەزیری تەندروستی حکومەتی هەرێم لەکۆنفڕانسێکی ڕۆژنامەوانیدا ڕایگەیاند: ئەوە جاری یەکەم نییە کوریای باشوور هاوکاری وەزارەتی تەندروستی دەکات، ئەمڕوش چەند ئامێرێکی نوێ بۆ یەکەم جار پێشکەش بەهەرێم دەکرێت کە لەلایەن کۆریا دروستکراوە، وا دەکات کە کارەکان بۆ پشکنین و وەرگرتنی نموونە خێراتربێت.

دەشڵێت: “بەرەنگاربوونەوەی کۆڕۆنا جەنگێکی بەردەوامە لەجیهاندا و هەرێمی کوردستانش بەشدارە لەم جەنگەدا، بۆیە هیوادارین هاووڵاتییان خۆپارێزی لەسەر ئاستی تاک بەردەوام بن”.

وتیشی، “ئومێد دەکەین هاووڵاتییان پابەندی ڕێنماییەکان بن تاوەکو لەوەرزی پایز ژمارەی تووشبووان و مردوانیش کەم بکرێتەوە و بڵاوبوونەوەشی هێواش بکرێتەوە، ڕاستە ڕێژەی تووشبووان لەچاو وڵاتان کەمترە بەڵام بۆ ئێمە یەک حاڵەتیش زۆرە، پێشبینیەکانی جیهانیش بۆ دروستکردنی ڤاکسین بەردەوامە بەڵام تائێستا هیچ دەرمان و ڤاکسینێک نیە ئەگەر هەشبێت دابین دەکرێت، بەڵام لەگەڵ هەموو ئەمانەش خۆپارێزی و تاکپارێزی باشترە لەم ڤایرۆسە کوشندەیە”.

بەشی بکە لە
Previous Next
Close
Test Caption
Test Description goes like this