سوپای پاسداران هەڕەشە لە بەحرەین دەکات

0
200

SNN

سوپای پاسداران لە بەیاننامەیەکدا رایگەیاند: هەوڵه یەک لەدوای یەکەکانی ئاساییکردنی پەیوەندییەکانی وڵاتانی عەرەبی لەگەڵ ئیسرائیل به سەرپەرشتیی ئەمەریکا و سەرۆک کۆماری ئەم وڵاته سەرناگرێت، هەوڵەکان لەلایەن موسڵمانان پێچەوانه دەکرێنەوه و ئیسرائیل لەسەر جوگرافیای وڵاتانی ئیسلامی لادەدرێت.

لە بەشێکی بەیاننامەکەدا سوپای پاسداران هەڕەشە دەکات، دەڵێت :”فەرمانڕەوای جەلادی بەحرێن، دەبێت چاوەڕوانی تۆڵەسەندنەوەی تووندی موجاهیدانی قودس و خەڵکی موسڵمان و بە غیرەتی ئەم وڵاتە بێت”.

سوپای پاسداران پێی وایه بڕیاری ئاساییکردنی پەیوەندییەکانی نێوان ئەو دوو وڵاتە، هەوڵی ئەمریکایه بۆ پاراستنی ئیسرائیل، هەروەها بۆ ئەوەیه دەرگای کەنداو و دەریای عەمان بەڕووی ئیسرائیلدا بکرێتەوه.

دەشڵێت “ئەم هەوڵانه هیچ دەستکەوتێکیان بۆ ئەمەریکا و هاوپەیمانانی نابێت و موسڵمانان تۆڵەی ئەمانه له ئیسرائیل دەکەنەوه”.

راگەیەندراوی سوپای پاسداران دوای ئەوه دێت، دۆناڵد ترەمپ، سەرۆکی ئەمەریکا ئاشکرای کرد، گۆڕانكاری گه‌وره‌ له‌ رۆژهه‌ڵاتی ناوه‌ڕاست رووده‌دات، کە له‌ باوه‌ڕی هیچ كه‌سێكدا نییه و “ئێستاش وڵاتی به‌حره‌ین چووه‌ته‌ ناو رێككه‌وتننامه‌ی ئاشتیی ئیسرائیل و ئیمارات، كه‌ 15ـی ئه‌م مانگه‌ له‌ رۆژێكی مێژووییدا له ‌كۆشكی سپی واژۆ ده‌كرێت و نوێنه‌رانی هه‌رسێ وڵات ئاماده‌ده‌بن”.

بەشی بکە لە
Previous Next
Close
Test Caption
Test Description goes like this