لیژنەی ئاوەدانكردنەوە: 85٪ى پرۆژەكانی رێگاوبان له‌ هه‌رێمى كوردستان راگیراون

0
655
كۆنگره‌ى رۆژنامه‌وانى هاوڕێ مەلا ستار، سەرۆكی لیژنەی ئاوەدانكردنەوە له‌ په‌رله‌مانى كوردستان | فۆتۆ: SNN

SNN – بڕیار محه‌مه‌د
سەرۆكی لیژنەی ئاوەدانكردنەوە و وەبەرهێنان رایده‌گه‌یه‌نێت: 85٪ كۆی گشتی پرۆژەكانی رێگاوبان راگیراون له‌ هه‌رێمى كوردستان، ده‌شڵێت: “ئەو  15٪ كار دەكەن ئەو بەڵێندەرانەن بە ڵێدەرایەتیان بۆ حكومەت كردووە و زۆربەشیان لەسەر بودجەی خۆیان كاردەكەن”.

هاوڕێ مەلا ستار، سەرۆكی لیژنەی ئاوەدانكردنەوە و وەبەرهێنان ئه‌مڕۆ سێشه‌ممه‌ لە پەرلەمانی كوردستان لە كۆنگرەیەكی رۆژنامەوانیدا رایگەیاند: “ئێمە لە لیژنەی ئاوەدانكردنەوە و وەبەرهێنان لە ماوەكانی پێشوودا سێ لیژنەی لاوەكیمان دروستكرد بۆ ناوچە جیاوازەكانی هەرێمی كوردستان، بۆ كاركردن لەسەر دوو سێكتەر ئەوانیش: سێكتەری رێگاوبان و سێكتەری نیشتەجێبوون بوون، لەدوای گەڕان و بەدواداچوونی لیژنەكان گەیشتینە ئەو بڕوایەی رێگاوبانەكان بەدۆخێكی زۆر خراپدا تێپەڕدەبێت بەداخەوە رۆژانە خەڵك دەبێتە قوربانی”.

وتیشی: “ئەمە جێگەی هەڵوەستە وەرگرتنە بۆ لیژنەكەمان، بۆ ئەوەی لەگەڵ  وەزیری ئاوەدانكردنەوە و حكومەت 425 رۆژە لە پەرلەمان متمانەیان وەرگرتووە لەبەر رۆشنایی بەدواداچوونەكانماندا لەماوەی ئەو 425 رۆژە 425 بلۆكیان لەسەر یەك دانەناوە بۆ ئاوەدانكردنەوە لە هیچ شار و شارۆچكەیەكی هەرێمی كوردستان”.

هاوڕێ مەلا ستار ئه‌وه‌شى خسته‌ڕوو: “85٪ كۆی گشتی پرۆژەكانی رێگاوبان راگیراون، ئەو 15٪ كاردەكەن ئەو بەڵێندەرانەن بە ڵێدەرایەتیان بۆ حكومەت كردووە زۆربەیان لەسەر بودجەی خۆیان كاردەكەن، رەنگە هەندێكیان لەبەر ناوبانگی خۆیان بێت كە كارەكانیان رانەگرتووە”.

به‌ وته‌ى سەرۆكی لیژنەی ئاوەدانكردنەوە، “كێشەی رێگاوبانەكان پەیوەندی بە تاك بە تاكی ئەم هەرێمەوه‌ هەیە، ئيتر چۆن حكومەت و وەزیری ئاوەدانكردنەوە لە هاتووچۆ كردنیان ئەو هەموو گرفتەی رێگاوبانەكان نابینن”.

باسى له‌وه‌شكرد: “لە ساڵی 2012 بڕیاردرا وەزارەتی ئاوەدانكردنەوە 9148 یەكەی نیشتەجێبون دروستبكات، ئێستا ئەو یەكانە تەواوبوون بۆ خەڵكی كرێنیشین و كەمدەرامەت هەریەك لەو یەكانە لەوانەیە تەنیا لە 5٪ كارەكانی مابێت بۆ ئەوەی تەواو بكرێن، ئێستا ئەو یەكانە هەمووی كەوتوون و رەنگە بۆ شتی خراپیش بەكاربهێنرێن، یەكە ئیداریەكان پاسەوانیان دەكەن بۆ پاراستنی ئەو یەكانە”.

روونیشیكرده‌وه‌: “پێشنیارمان بۆ حكومەت و وەزارەتی ئاوەدانكردنەوە ناردووە بۆ ئەوەی بە زووترین كات هەوڵبدەن لەگەڵ كۆمپانیاكانی وەبەرهێنان چارەسەرێك بدۆزنەوە بۆ ئەوەی ئەو بودجەیەی لەو یەكە نیشتەجێبونانە خەرجكراوە بەهەدەر نەڕوات، خەڵكی كرێنشین و كەمدەرامەتیش سوودی لێوەربگرن”.

 

بەشی بکە لە
Previous Next
Close
Test Caption
Test Description goes like this