“گەر وشەی “بەخۆڕایی” جێگیر نەکرایە تەندروستی ئەم وڵاتە بە تەواوەتی دەبووە کەرتی تایبەت”

0
457

گەر وشەی “بەخۆڕایی” جێگیر نەکرایە تەندروستی ئەم وڵاتە بە تەواوەتی دەبووە کەرتی تایبەت”

SNN بڕیار محەمەد 

سەرۆکی فراکسیۆنی نەوەی نوێ لە پەرلەمانی کوردستان رایگەیاند، هەوڵیانداوە وشەی “بەخۆڕایی” لە پرۆژەیاسای ماف و ئەرکی نەخۆشدا جێگیر بکرێت، تاوەکو لە نەخۆشخانە حکومییەکاندا بە بێبەرامبەر خزمەتی هاووڵاتییان بکرێت.

کازم فاروق، سەرۆکی فراکسیۆنی نەوەی نوێ لە پەرلەمانی کوردستان لە کۆنگرەیەکی ڕۆژنامەنووسیدا وتی: “ئەگەر وشەی “بەخۆڕایی” لە پرۆژەیاساکەدا لاببرایە، ئەوا دەبووە مەترسی لەسەر تەندروستی و دەرگایەکی گەورەی بۆ کەرتی تایبەت و نەخۆشخانەی ئەهلی دەکردەوە”.

راشیگەیاند، ئەگەر ئەو وشەیە جێگیر نەکرایە، ئەوا تەندروستی ئەم وڵاتە بە تەواوەتی دەکرایە کەرتی تایبەت و بەرەو ئاراستەی پارەکێشانەوە لە نەخۆش دەڕۆیشت.

لەبارەی ئەو لیژنەیەی بۆ دەرخستنی راستییەکان لە کەیسی هەڕەشەکردنەکەشی وتی: “لەئێستادا ناتوانم هیچ زانیارییەک بخەمە ڕوو تا ئەوکاتەی لیژنەکە کاری خۆی تەواو دەکات، کە ئەمڕۆ یەکەم کۆبوونەوەی خۆی ئەنجامداوە”.

ئەمڕۆ پەرلەمانی کوردستان کۆبووەوە و بە دەنگی 70 پەرلەمانتار پێشنیازە یاسای ماف و ئەرکی نەخۆشی پەسەند کرد.

رۆژی 8ی ئەم مانگە دانيشتنی پەرلەمان بەڕێوەچوو بەشێک لە فراکسیۆنەکان و پەرلەمانتاران رەخنەیان لە بەرنامەی کاری دانیشتنەکانیان گرت و ڕايانگەياند دەستەی سەرۆکایەتی پەرلەمان کەمتەرخەمە لە دیاریکردنی کێشەکان و خەمی خەڵک و نایخاتە ناو بەرنامەی کاری دانیشتن.

 

بەشی بکە لە
Previous Next
Close
Test Caption
Test Description goes like this