حکومەتی عێراق سێیەم فڕۆکەی بۆ هاوکاریکردنی سودان رەوانە کرد

0
91

SNN

لەسەر فەرمانی سەرۆکوەزیرانی عێراقی فیدراڵ سێیەم فڕۆکە لە عێراقەوە رەوانەی لێقەوماوانی لافاو و بارانەکەی سودان کرد، کە ماوەیەکە ئەو وڵاتەی گرتووەتەوە.

فڕۆکەکە 12 تەن هاوکاری پزیشکی و خۆراک و کەلوپەلی دیکەی تێدایە، ئەمینداری گشتیی ئەنجومەنی وەزیرانیش دەڵێت: “لە چەند رۆژی داهاتوودا بڕە گەنمێکی باشیش رەوانەی خەرتوم دەکرێت”.

رۆژی 12ی ئەم مانگەش حەیدەر مەجید وتەبێژی ئەمیندارێتیی ئەنجومەنی وەزیرانی عێراق وتی: “بە فەرمانی مستەفا کازمی سەرۆکوەزیرانی عێراق فڕۆکەیەکی سەربازیی لە جۆری C130 لە بنکەی ئاسمانیی محەمەد عەلا فڕیوە و وەفدێکی رەسمیش هاوڕێیەتیی دەکات کە 12 تەن هاوکاری پزیشکیی پێبوو”.

سەرەتای ئەم مانگە بەهۆی بارانبارین و بەرزبوونەوەی ئاستی ئاوی رووباری نیل، لافاو لە زۆرینەی پارێزگاکانی سودان دروستبووە و بەهۆی ئەوەشەوە باری لەناکاو بۆ ماوەی سێ مانگ راگەیەندراوە.

ئەنجوومەنی ئاسایش و بەرگریی سودان باری لەناکاوی بۆ ماوەی سێ مانگ لە سەرانسەری سودان راگەیاند و وڵاتەکەی بە ناوچەی کارەساتی سروشتی دانا.

لافاوەکە لە 16 پارێزگای سودان دروستبووە و تا ئێستا نزیکەی 100هاووڵاتی گیانیانلەدەستداوە و 46ی دیکەش بریندار بوون، جگە لە ئاوارەبوونی زیاتر لە 500 هەزار کەس و وێرانبوونی زیاتر لە 100 هەزار خانوو.

بەشی بکە لە
Previous Next
Close
Test Caption
Test Description goes like this