بەهۆی پێدانی ژەهرەوە سەدان باڵندە لە رانییە لەناودەچن

0
2894
سروشتی-رانییە

بەهۆی لەناوچوونی سەدان باڵندەی جۆری (کەندە سمه) کە بەهۆی ژەهر خوارد کردنیان لە لایەن بەشێکی هەنگەوانانەوە لەناو چوون، پۆلیسی دارستان و فەرمانگەی ژینگەی راپەڕین هۆشداری توند دەدەنە هەنگەوانانی سنوری ئیدارەی راپەڕین .

حەمە شوان کەریم بەڕێوبەری فەرمانگەی ژینگەی راپەڕین تایبەت بە SNN رایگەیاند : بە گوێرەی بە دواداچوونی فەرمانگەی ژینگەی ڕاپەڕین و پۆلیسی دارستان و ژینگەی ڕاپەڕین دەرکەوتووە کە لەماوەی چەند رۆژی رابردوو لە نزیک ئەو شوێنانەی کە هەنگی تێدا بەخێو دەکرێت سەدان باڵندەی جۆری(کەندە سمە) لە ناو براون .

ووتیشی ” دوای لێکۆڵینەوە دەرکەوتوە سەرجەم ئەو جۆری باڵندەیەی کە لەناو چووە بە هۆی بە ژەهر خوارد کردنیان بووە لە لایەن هەنگەوانەکانەوە ، کە ئەمەش دەبێتە هۆکاری لەناوچوونی ئەو جۆرە باڵندەیە و تێکدانی ژینگەی ناوچەکە ”

حەمەشوان کەریم باسی لەوەشکرد : لە ئێستادا یەکێک لەو هەنگەوانانەی کە ئەو کارەی ئەنجام داوە رووبەری سزادان کراوەتەوە و هاوکات هەر هەنگەوانێکیش ئەم کارە ئەنجام بدات ئەوا روبەرووی سزای توند و دادگا دەکرێتەوە .

” بەگوێرەی توێژینەوەکانی زانایانی بواری باڵندە، باڵندەی جۆری (کەندە سمە) رۆڵێکی گەورەی هەیە لە پاراستنی دەغڵ و دانی جوتیاران چونکە ئەو جۆرە باڵندەیە ئەو مێروانە دەخوات کە دەبنە هۆی لەناوبردنی دەغڵ و دان ”

بەشی بکە لە
Previous Next
Close
Test Caption
Test Description goes like this