پارێزگاری کەرکوک سەرەڕای قەدەغەکردنی گەشت چووەتە دەرەوەی وڵات

0
1498
راکان جبوری

SNN-سیروان حەسەن

هەرچەندە لەلایەن دەستەی دەستپاکی عێراقەوە بەتۆمەتی تێوەگلان لەگەندەڵی, گەشتی دەرەوە لە پارێزگاری کەرکوک قەدەغەکراوە، بەڵام پارێزگار لە وڵاتی قەتەرەو دەنگۆی “هەڵهاتنیشی هەیە”.

لەدوێنێوە بەپێی نوسراوێکی دەستەی دەستپاکی عێراق بەتۆمەتی تێوەگلان لەدۆسیەی دروستکردنی ژمارەیەک قوتابخانە لەکەرکوک، فەرمانی قەدەغەکردنی گەشت بۆ راکان جبوری پارێزگاری کەرکوک و ژمارەیەک فەرمانبەری پەروەردەی کەرکوک دەرکراوە و لە ئێستادا پارێزگار لەدەرەوەی وڵاتە و دەنگۆی ئەوەش بڵاوکراوەتەوە راکان جبوری هەڵهاتبێت.

بەپێی زانیارییەکانی SNN، راکان جبوری گەشتی وڵاتی قەتەری کردووە و بڕیاریشە لەو وڵاتەوە سەردانی تورکیا بکات، وتیشی” تاوەکو ئێستا فەرمانی قەدەغەی گەشتکردن لە پارێزگاری کەرکوک و ئەو ژمارە فەرمانبەرەی پەروەردە نەگەیشتووەتە لایەنە ئەمنییەکانی کەرکوک و بەپێی زانیارییەکان راکان جبوری پێش بڵاوبونەوەی بڕیارەکە گەشتی کردووە”.

بەشی بکە لە
Previous Next
Close
Test Caption
Test Description goes like this